It(em) jonch(e)r jorijs vander saers woenen(de) te valench(ien) hee(re) van angre/ ende andeignies (et)c(etera) renu(n)c(ierende) heeft gekint ende gelijdt dat hij/ van he(re)n janne van scoenhove(n) ridde(r) uut hande(n) van philips de/ houwere zijne(n) rintmeeste(r) gehadt gehave(n) en(de) ontfange(n) heeft/ op goede rekeninghe lxxx r(ijnschen) gulden(en) van achterstelle dier/ twintich rijnsch(en) gulden(en) lijftochten die de selve he(re) jan als borge/ he(re)n fredericx van witham ridders bij rigoe(r) van rechte heeft/ moegen ghelden en(de) betalen Bekinnende hem d(air) af v(er)nueght en(de)/ wel betaelt Schelden(de) d(air) af volcomel(ic) quite den voirs(creven) h(ere)n ja(n)ne/ zijne(n) voirs(creven) rintmeester en(de) alle ande(re) des quitan(cie) behoevende/ Gelovende van desen de(n) selve(n) he(re)n janne noch zijne(n) voirs(creven)/ rintmeester ne(m)mermeer uut saken der voirs(creven) borchtocht te vexere(n)/ te moeyen noch e(n)nige aensprake te doene bij he(m) selve(n) noch bij/ yemande anders in gheenen rechte gheestelijc noch weerlijc mair/ van des(er) ieg(eliker) quitan(cie) goet gerecht warant te zijn en(de) te bliven/ tot ewigen daghen heyk(ens) cav(er)son m(ar)cii xvi