Item peter vanden loocke molde(r) soen wilen jans in p(rese)ncia (et)c(etera) heeft genomen/ en(de) bekindt genomen te hebben tegen meester janne vanden walle (et)c(etera) de/ moelen desselfs meester jans gelegen te berthem neven de goede jans/ loenijs Te houden te hebben en(de) te gebruycken vanden daghe van heden/ een jaer langh voer en(de) om derthien mudden rogs goeds en(de) payabels/ der maten van loeven te weten alle weken een zijster rogs dairaf/ te betalen also langhe als den moelensteen dairop nu liggen(de) aldair/ leeght Ende als dair eenen ande(re)n dicke(re)n moelensteen opleeght so/ sal de voirs(creven) molde(r) den voirs(creven) meester janne alle weken betalen vijff/ moelevaten rogs tot der betalingen van vijfthien geliken mudden rogs/ en(de) telken t(er)mijne alse vervolghde schout van welken pachte dyerste/ betalinghe ingaen sal als de vors(creven) moelen malen mach en(de) niet eer/ En(de) es vorwerde wairt dat de voirs(creven) moelen den voirs(creven) meest(er) janne/ niet en bleve dat dan dese pechtinghe te nieute zijn sal Cor(am) roel(ants)/ borgh maii x Sen(tentiatum) blanckart lynden oct(obris) xv a(nno) lxxiii