It(em) vanden geschille dat uutstond tusschen wille(m)me van duysborgh ter eenre zijden en(de)/ arnde lachman ter ande(re) alse vanden gebruycke van beiden nedercame(re)n en(de) vander/ coekenen inden huyse svoirs(creven) arnds dat hij tegen den voirs(creven) wille(m)me anderwile/ te weten m(ar)cii xi a(n)no lxviii gecocht heeft gelegen inde dorpstrate tegen/ de grijmstrate over den welke came(re)n en(de) coekene de voirs(creven) arnd hinder/ en(de) letsel dede den voirs(creven) wille(m)me voirder dan na uutwisen der guedingen/ en(de) den brieven d(air)op gemaict behoirde also hij meynde So es na eensye/ gelijcks redene en(de) bescheid bijder stad overdraghen en(de) get(er)mineert dat/ de voirs(creven) arnd zijn coetse ende scrijne die hij in deene vand(en) vors(creven) came(re)n/ heeft ruymen ende ewech doen sal en(de) in die plaetse dair die staen den/ voirs(creven) wille(m)me van zijnen goede laten setten op dat hem gelieft It(em) dat de/ selve willem inde voirs(creven) coekene sal hebben ende behouden temelic gerief van/ aldair te gaene te ke(re)ne teten te drincken wermene en(de) zittene alst hem gelieft/ Act(um) tsaterd(aeghs) oct(obris) xvii