Item also als ten lesten daige van rechte int recht alhier comen zijn/ meester jan trabuckier alse geleidt tot den goeden anthonijs madea/ in deen zijde ende jannes robbijns alse p(ro)cureur h(er) henricks van witham/ he(re) tot bout(er)shem (et)c(etera) in dande(re) Aldair de voirs(creven) meester jan meynde/ inder saken die tuschen hem en(de) den voirs(creven) he(re) van bout(er)shem alhier in/ rechte geport was van ov(er)langh en(de) alnoch hinghe voert te varen mids/ zek(ere)n onss gened(ichs) h(ere)n brieven onlangs der wet alhier dair aff gesonden/ en(de) mids dat de selve he(re) niet en ware ind(en) reysen en(de) dienste onss voirs(creven)/ gened(ichs) h(ere)n mair was en(de) lach alnoch alhier bynnen lands gelijcmen/ ter wairheit also de voirs(creven) meester jan seyde bevi(n)den soude Dairop/ de voirs(creven) p(ro)cureur hielt ter contrarien dat meester jan niet voert/ varen en soude bij sek(ere)n redenen die hij allegeerde Dair op de scepen(en)/ van loeven alsdoen wijsden want de voirs(creven) meester jan seyde den/ voirs(creven) he(re) va(n) bout(er)shem bynnen lands te wesen en(de) ongeport t(er) voirs(creven)/ reysen dat zij dair af cleerniss(en) begheerden taenhoe(re)n en(de) dae(re)nteynde(n)/ recht ende de voirs(creven) p(ar)tien op heden weder comen zijn alhier in/ rechte dair elc sustineerde des hij voe(r) gedaen hadde sond(er) dat de voirs(creven)/ meest(er) jan e(n)nighe cleernisse oft thoeniss(en) va(n) zijnen byleggen(en) dede/ oft pijnde te doen So hebben de scepen(en) van loeven gewijst dat/ zij bliven by alsulken vo(n)nisse als zij voe(r) gewijst hadden Cor(am) opp(endorp)/ borch vynck heykens cav(er)son octobr(is) xx