SAL7761, Act: R°60.4 (198 of 650)
Search Act
previous | next
Act R°60.4  
Act
Date: 1472-11-16

Transcription

2020-05-12 by Walter De Smet
It(em) boudewin van vileer peter van heymoniez jan moreel de jonghe en(de) willem/
van berchemont allen van bevekem hebben bekend inden name van hen/
selven en(de) inden name vanden gemeynen ingeseten(en) vanden dorpen van/
bevekem en(de) van deurne vercocht te hebben janne mylet van bierbeke/
alsulken schaerhout alse steet op sess boend(ere)n en(de) een dach(mael) boschs/
den voirs(creven) dorpen toebehoiren(de) gelegen te bevekem aen de heyde ald(air)/
neven de goede mijns h(ere)n van berghen voe(r) en(de) om eene zeke(re) so(m)me/
van pe(n)ninghen d(air)af zij hen hielden voe(r) wel betaelt Scelden(de) hem/
inden name als voe(r) d(air)af volcomelic quijt Geloven(de) de voirs(creven) bekenders/
voe(r) hen en(de) inden name als voe(r) den voirs(creven) janne d(air)af alt(oes) in te staen en(de)/
recht warand te zijne tegen eene(n)yegeliken En(de) de voirs(creven) jan mylet heeft/
gelooft tvoirs(creven) hout te doen vellen tusschen dit en(de) uutgangh aprill naistc(omende)/
en(de) dat vanden bossche te doen oft tuschen dat en(de) s(in)t jansmisse d(air)nae/
volgen(de) d(air)op te myten en(de) te laten staen na gewoente vanden bossche van/
merdal roel(ants) vync no(vembris) xvi
ContributorsJan Boncquet
Moderated byJan Boncquet
Last update: 2016-04-27 by Xavier Delacourt