It(em) jan vanden breeden cuype(r) woenen(de) te loeven soen wilen jans heeft/ geordineert en(de) gestelt zijne p(ro)cureurs en(de) voirgang(er)s gielijse en(de) joese/ vanden breeden zijnen bruede(re)n in allen zijnen saken en(de) bederven die/ hij nu te doen heeft oft namails hebben sal in aenlegg(er)s oft verweerd(er)s/ stad hoedanich die saken zijn Gevende en(de) verleenende de voirs(creven) jan/ den voirs(creven) zijnen brued(ere)n en(de) elken bizunder thoenre des(er) volcomen/ macht en(de) zunderlinghe beveel alle de selve saken te bedinghen te/ verwae(re)n en(de) te vervolgen met rechte en(de) tot den eynde vanden rechte/ voer allen gerichten gheestelic en(de) weerlic daer des van node sal moege(n)/ wesen en(de) alle poenten vormen en(de) articulen van rechte d(air) inne te houde(n)/ en(de) te vord(er)en die hem orberlic duncken selen en(de) na recht of costume/ vand(en) plaetsen daer dat geboert behoiren moeghen En(de) voerts alle/ tghene d(air)inne (et)c(etera) Geloven(de) vast (et)c(etera) ouder(ogghe) burg(imagistro) vync heykens/ scab(inis) febr(uarii) xx