It(em) na dat henrick van molijn beclaight zijnde also hij zeyde van gheerde van/ ertrijcke voe(r) lxxv rijnsch(en) gulden(en) versocht heeft inden rechte alh(ier) zo v(er)re/ gheerd hem niet aen en sprake dat hij verweerd soude wesen Dair tegen/ de voirs(creven) gheerd zeyde dat hij alhier gevanghen was en(de) doen houden vande(n)/ voirs(creven) henricken voe(r) zeke(re) saken dairaf hij beg(er)de aengesproken te worde(n)/ oft ontslaghen op welke twee questien de scepen(en) van loeven gemaend/ worden en(de) wijsden voe(r) een vo(n)nisse so verre gheerd henricken niet/ aen en sprake ten opstaene smeyers en(de) van hen dat dan de voirs(creven) henr(ick)/ vander clachten verweerd soude zijn Wisende voirt alse vanden ande(re)n zo/ verre henrick gheerde niet aen en sprake vander saken vander hachtingen/ dat gheerd dan vander hachtingen zo verre die henricken aencleefde/ ontslaghen sal zijn pynnoc oppend(orp) heyk(ens) caverson m(ar)cii iiii En(de) na den vo(n)niss(en) zo p(rese)nteerde elck voirsprake zijn p(or)tie also elck va(n) hen seyde