It(em) jan van akere soen wilen goirds heeft gelooft janne willems soen/ willems wilen willems te lossen en(de) af te quiten tusschen dit/ en(de) van s(in)t jansmisse naistcomende over twee jair twee gulden/ clinckairts erfliker rinten vanden zeven gulden clinck(ar)ts te xiiii/ stuv(er)s tstuck erfliker rinten Dairop hij vanden voirs(creven) janne/ willems genomen heeft desselfs jans slachmoelen met heurer/ toebehoirten gelegen te rosieres en(de) elcken clinckairt vanden voirs(creven)/ twee clincairden met achtien geliken pe(n)ninghen en(de) met vollen/ rinten en(de) dat hij in drie quitinghen den pontpe(n)ningh draghen/ sal Heeft voirt gelooft de voirs(creven) van akere dat hij bynnen zess/ jairen naistcomen(de) vander voirs(creven) slachmoelen sal doen maken ende/ reecken een papiren moelen en(de) daer aen leggen ter goeder ende/ deughdeliker taxacien hondert rijnsch(en) gulden(en) Voert heeft hij/ geconsenteert ende bekend dat den voirs(creven) janne willems volgen sall/ en(de) dat hij sal moegen aenveerden en(de) afdoen ts(in)t jansmisse naistc(omende)/ dbuyten rat en(de) alle dbynnen werck vander voirs(creven) slachmoelen/ En(de) voe(r) tvoldoen der voirs(creven) twee yerste(n) poenten zijn borgen svors(creven)/ van akeren everard de pape soen joes de pape en(de) anthoenijs/ lachman scepman beide woenen(de) te loeven et p(ri)mus Ende es oec/ vorwerde dat de p(ar)tien van allen ande(re)n poenten der voirs(creven) coma(n)scap/ aengaende selen bliven op hen beloop van rechte Cor(am) borgh et/ vynck marcii xv