Item gorijs van s(in)te peters heeft uutgegeven voer hem en(de) zijn erfgenamen/ pet(ere)n heykens nut(er)tijt scepen(e) te loeven en(de) zinen nacomelinghen een huys/ geheten den pau met den hove of scaelgien achter en(de) met den stalle/ dair toe behoiren(de) en(de) met den doirganghe gelegen aen tselve erve van/ aende strate tot der poirten staende aende scaelgie svoirs(creven) gorijs/ van zinen huyse geheten den odevare en(de) met der vouten hebbende/ heuren mont en(de) uutgangh inden voirs(creven) doirgangh en(de) allen ande(re)n/ zinen [toe]behoirten gelijc de voirs(creven) goede gelegen zijn inde proofstrate/ tusschen de goede der kynde(re)n goirds wilen van arrenberghe beckers en(de)/ thuys jans wilen keyenoeghe nu toebehoiren(de) roeloven roelofs strecken(de)/ achter tot aenden dweersen muer staende aende scaelgie svoirs(creven) gorijs/ welcken dweersen muer den selven gorijsen toebehoiren sal Erflic/ te houden te hebben en(de) te besitten opten co(m)mer dair uut gaende/ te weten zeven(en)veertich oude grote erflic den goidshuyse van vyleer/ vijf ryders en(de) and(er)halven stuv(er)s te xxvi stuv(er)s den ryder erflick/ den capellanen ts(in)te pet(er)s te loeven en(de) drie gelike ryders and(er)halve(n)/ stuv(er) min der vrouwen sbeyers woenen(de) inde hoolstrate ten gewoenlike(n)/ t(er)mijnen te betalen Ende voirtaen op drie ryders ende neghen/ stuv(er)s beide der mu(n)ten voirscr(even) te xxviii [der voirs(creven)] stuv(er)s den ryder [gerekend] erflik(er)/ rinten ts(in)t jansmisse te betalen den voirs(creven) gorijsen en(de) zinen nacomeli(n)ge(n)/ erflic dyerste betalinghe dairaf in te gaen van s(in)t jansmisse naistc(omende)/ over een jair en(de) niet eer Ende op dese erfrinten en(de) den co(m)mer/ voirg(eruerd) heeft de voirs(creven) gorijs den voirs(creven) pet(ere)n en(de) zine(n) nacomeli(n)ge(n)/ gelooft dese voirs(creven) goede te warande(re)n en(de) dairaf alt(oes) genoech te doen/ also dat den voirs(creven) pet(ere)n vast en(de) seker sal moegen wesen met/ condicien dat de voirs(creven) peter de voirs(creven) rinte svoirs(creven) gorijs mach/ afquiten alst hem gelieft elcken pe(n)ning dairaf met xviii geliken/ pe(n)ninghen en(de) met vollen rinten Ende es in desen tusschen de vors(creven) gorisen/p(ar)tien [ende pete(re)n] ondersproken voer hen en(de) heure nacomelinghe dat gheen va(n)/ hen op zijn erve en sal moegen e(n)nighe ty(m)meringhe of muer maken/ noch zetten daer inne hij e(n)nighe vynste(re)n gate of uutsien ten/ erve wairt des and(ere)s hebben sal It(em) dat de voirs(creven) gorijs en(de)/ zijn nacomelinghe bezitte(re)n vander voirs(creven) woeni(n)ghen geheten den/ odenvare hebben selen voer hen en(de) [voer] die hen gelieven heure gaen/ en(de) ke(re)n te voete ende te p(er)de doir den voirs(creven) doirgangh ter voirs(creven)/ proofstraten toe zo wanneer hen gelieft welcken doirgangh/ de voirs(creven) peter houden sal ten minsten inder wijdden en(de) hooghden/
//
vanden eenen ynde tot den ande(re)n dat hij nu es ende steet van op dacht(er)ste/ eynde tot den grate toe d(air)inne comende uuten voirs(creven) pauwe gaende opte/ came(r) boven den doirgangh aen tstrate dienen(de) ende des hij van dien/ grate tot der straten toe wijder es dat mach de voirs(creven) peter te hemw(er)t/ nemen behoudelic dat de deure voe(r) behouden sal heure wijdde en(de) hooghde/ die zij [nu] heeft It(em) es vorwerde dat de doere aenden voirs(creven) doergangh/ staende voer aen strate sdaighs tusschen dat de werckclocke smorgens/ luydt en(de) de sluytclocke tsavonts staen sal op een clincke ende van/ selfs toevallende en(de) tsnachts tusschen beide de voirs(creven) clocken sal die/ doere gesloten staen met eenen slote dwelck de voirs(creven) peter becustigen/ sal Dairaf elc p(ar)tie den sloetel hebben sal tsijnre cost en(de) d(air) mede/ dair doire gaen en(de) ryden alst hem gelieft Ende oft de voirs(creven) pet(er)/ de doe(r) [vanden voirs(creven) doerganghe] staende ten ynde van zijnen huyse slooten woude zo sal de/ voirs(creven) gorijs dairaf hebben tsijnre cost den sloetel om dair doire te/ gaen en(de) te ryden alst hem gelieft It(em) sal de voirs(creven) peter den mo(n)tcos/ mond vand(en) voirs(creven) vouten inden doirgangh en(de) den doirgangh/ daer omtrint moegen hoeghen eenen halven voet hoeghe en(de) die also/ houden Voert heeft de voirs(creven) peter gelooft twee ryders vanden vors(creven)/ vijf ryders der voirs(creven) capellanen te lossen en(de) af te quiten bynnen/ drie jairen naistcomen(de) en(de) zijn voirs(creven) goede en(de) dande(r) goede svors(creven)/ gorijs die dair voe(r) verbonden zijn moegen tontlasten Voerts/ heeft de voirs(creven) peter gelooft des voirs(creven) gorijs ande(r) goede die nu/ den [voirs(creven)] odenvare toebehoiren vanden voirs(creven) voerco(m)me(r) scadelois te houde(n)/ tot eeuwighen daghen Ende voe(r) dese twee [voirs(creven)] geluften voirscr(even) heeft [van afquitingen en(de) scade loes te houden heeft de voirs(creven) peter]hij den voirs(creven) gorijsen tvoirs(creven) huys geheten den pau met zijnre/ toebehoirten [behoorlic] tonderpande gesett vynck caverson ap(ri)lis vii