Cond zij allen lieden dat henric van jauchelet sone wilen jans en(de) maroye zijn wijf van deurne [wille(m) henriket jan henric en(de) symoen zijn wettige kindere p(ri)us emancipati] in p(rese)ncia hebben ge/ nomen ende bekint dat zij genomen hebben van gielise van/ den meynartshoven vleeschouwe(r) woenende te loeven(e) sijn/ hof mette(n) wynnen(de) landen bempde(n) bosschen vorlen en(de) alle(n)/ anderen toebehoirte(n) gelijc dat belegen is te mille ende in/ de prochie van deurne en(de) d(air) omtrint en(de) also de voirs(creven)/ gielijs die na de doot jans wile(n) vander heyde(n) witled(er)/ makers metter gulden rechte van loeven(e) voir zijn wettich/ gebreck uutgewonnen heeft Te houden te hebben ende te/ wynne(n) van halfm(er)te lestleden eene(n) t(er)mijn van nege(n) jare(n)/ lang deen nae dande(r) staphans v(er)volgende elcx jarers da/ renbinne(n) om en(de) voe(r) xxv mudde(n) rogs en(de) een half mudde/ tarwen elcs grains goet ende payabel der mate(n) van loeven(e)/ met wanne ende met vederen wel bereyt alle jare tsinte/ andriesmisse apostels te betalen en(de) te loeven(e) te leve(re)n ter/ plaetsen d(air)men hem dat bewisen sal den voirs(creven) termijn/ lang duerende quol(ibet) ass(ecutu)[m] Item selen de voirs(creven) wynne de huy/ singe vanden voirs(creven) hove houde(n) zijne [heure(n)] t(er)mijn duerende vand(er)/ underster rijkele(n) nederwert op hue(re)n cost en(de) jaerlijcx/ int voirs(creven) hoff leveren iiii[c] walme(re) op de huysinge vande(n)/ voirs(creven) hove te houden in goeden state en(de) alsme(n) die ald(air)/ verdect oft plect sele(n) de wynne den wercliede(n) de(n) mont/ cost gheve(n) en(de) gielijs sal de dachueren betalen It(em) sele(n) de/ wynne de tarwe en(de) rogge sayen op vier getidige vore(n) de/ gherste op drie en(de) deven(en) op ii geliken vore(n) It(em) sele(n) de/ voirs(creven) wynne alle de v(er)droechde boome uutrode(n) en(de) afhouwe(n)/ en(de) voir elke wed(er)om sette(n) twee levende pote(n) vande(n) selve(n)/ aerde It(em) selen zij alle tstroe vanden voirs(creven) goeden comen(de)/ jaerlijcx int voirs(creven) hoff bringe(n) met zijne(n) beeste(n) ette(n) en(de)/ te meste maken en(de) dat mest vuere(n) op de voirs(creven) lande/ tslants meesten proffite alsoe wel ten veersten alse ten/ naesten [en(de) te hueren leste(n) jare de meste bloot laten] It(em) zij selen te(n) behoirliken tijde moege(n) truncke(n)/ de boome ende hage(n) omtrint den voirs(creven) goede tot zijnre heurer/ berringe(n) behoef en(de) zij selen te hue(re)n afscheyde(n) de goede/ voirs(creven) bevreedt late(n) gelijc sij die bevonden hebbe(n) te hue(re)n/
//
incomen(en) It(em) dbloc aen thoff selen zij te(n) afscheyden(en) besayt late(n)/ met tarwen uutgesceyde(n) een half dach(mael) dat zij late(n) sele(n)/ o(m)megedaen op een voe(r) It(em) op tvelt van deurne selen/ zij insgelijcx een dach(mael) late(n) op i met tarwen besayt en(de)/ dande(r) goede vande(n) voirs(creven) hove tot ix boende(re)n toe oft d(air)/ omtrint met rogge en(de) dande(re) twee aerde selen zij oec/ late(n) eens algader omgedaen It(em) is vorwerde dat p(ar)tien/ gebreck hebbende altijt van malcandere(n) [in wedersijde] scheyde(n) sele(n) moege(n)/ alst hen gelieft bij alsoe oft de voirs(creven) wynne(n) teniger/ tijt sceyden woude(n) soe soude(n) zij dat de(n) voirs(creven) gielise/dat een half jair te voire(n) moete(n) cundige(n) It(em) sal/ de wynne met zijnre huysvrouwe(n) alle hue(r) goede int/ recht te mille te pande en(de) in zekerheyde(n) de(n) voirs(creven)/ gielise in hande(n) sette(n) voir al des voirscr(even) steet om/ zijn gebreck oft hij e(n)nich hadde dair ane oft de/ voirs(creven) p(er)sone te verhale(n) It(em) want de voirs(creven) gielijs/ de(n) voirs(creven) wynne(n) t(er)stont uut zijnre hant geleent heeft/ x r(ijnschen) gulden(en) te xx stuv(er)s Soe is vorwerde dat/ zij die de(n) voirs(creven) giel(ijse) wed(er)keere(n) en(de) betalen selen/ tsinte m(er)tensmisse naestcomen(de) t(am)q(uam) ass(ecutum) Et p(ri)mus/ heyk(ens) caverson ap(ri)lis xi