It(em) also als jan vander brugghen geheten metten gelde aengesproken heeft/ wille(m)me van dongleb(er)t janne van kessele ooftmenghe(r) pet(ere)n va(n) valkenborgh/ becke(r) ende janne vanden berghe briede(r) inden roeden schilt zeggende/ dat zij en(de) hij en(de) oic h(er) jan van dongleb(er)t priest(er) brueder svoirs(creven) willems/ zeke(re) erfgoede liggende hadden ende noch daden te nuwerode ond(er)pand zij(n)de/ met eenen huyse ende hove en(de) zijnre toebehoirten oic aldair gelegen van twee/ mudden rogs erflic aen eenen man van ly(r)e dairaf zij met den selven ma(n)ne/ ov(er)quamen dat hij tvoirs(creven) huys en(de) hof dwelck principael pand was/ vanden voirs(creven) pachte uutdaghen soude en(de) hen dan die overgeven ende zij/ souden hem cost en(de) co(m)mer opleggen also zij gedaen hadden en(de) de vestich(eit)/ vanden uutgedaeghden goeden ontfaen Na den welken tusschen den vors(creven)/ janne metten gelde in deen zijde en(de) den voirs(creven) wille(m)me janne va(n) kessele/ pete(re)n van valkenborgh janne vanden berghe en(de) h(er) janne ter ande(re) bevorw(er)t/ en(de) gededingt waird dat de selve vijf p(er)soene svoirs(creven) jans metten gelde/ gedeelte inde voirs(creven) uutgedaighde goede overhebben souden bij also dat zij/ he(m) opleggen souden den cost die hij d(air)af verleeght hadde en(de) goede vestich(eit)/ doen van dat zijn goede onderpand zijnde voe(r) den voirs(creven) erfpacht dairaf/ in tiden toecomende niet gelast en souden werden van welken coste de selve/ metten gelde kindde hem voldaen te wesen eyschen(de) van hen de voirs(creven) vestich(eit)/ gedaen te hebben en(de) alsulcke dat de wet of secretar(is) alh(ier) zeggen souden dat/ hij d(air)mede wel verwairt soude wesen Seggende oic dat hij zijn gedeelte/
//
inde voirs(creven) goede opgedragen hadde in tshe(re)n hande tot heuren behoef/ So hebben de scepen(en) van loeven gewijst na aensprake ende verantw(er)den/ dat de voirs(creven) verweerd(er)s gehouden zelen zijn den vors(creven) metten gelde/ goede vestich(eit) te doen vanden voirs(creven) ontheffene voe(r) wet alhier oft/ inden hof daer de voirs(creven) goede hoiren Cor(am) roel(ants) borgh vync/ heyk(ens) caverson f(eria) iii p(ost) quasi modo