It(em) also h(er) jan lepele(re) prieste(r) alse geleidt tot den goeden have en(de) erve gheerds/ lepele(re) zijns brueders met scepen(en) brieven van loeven sprekende van drie/ saluyten jairliker lijfrenten staende ten live desselfs h(er) jans heeft doen/ scriven den scouth(eit) van turnhout oft zinen stedehoude(r) hem de selve goede/ te leve(re)n ende oft de voirs(creven) gheerd dair tegen yet allege(re)n wilde dat hij/ des alhier in trecht quame tot eenen zek(ere)n daghe op heden dienen(de) Ende de/ voirs(creven) gheerd alhier niet comen en es den voirs(creven) h(er) janne alhier comende en(de)/ trecht versueckende thoende oic certificacie vander execucien geschied vanden/ voirs(creven) versuecke bijden voirs(creven) stedehoude(r) So hebben de scepen(en) van loeven/ ter maniss(en) tsmeyers gewijst voer een vo(n)nisse so verre svoirs(creven) geleidden/ wed(er)p(ar)tie niet en quame ten opstaene tsmeyers en(de) van hen datmen hem/ dan houden sal in zijnen beleide tot zijnre wettig(er) schult behoef zo v(er)re/ het noch voer hen comen es Cor(am) roel(ants) borgh vync heyk(ens) cav(er)son/ maii xi