Item vander aenspraken die willem m(er)celijs alse man en(de) momboir katlinen/ zijns wijfs natuerlike dochter ghijsbrechts wilen lobbe gedaen heeft/ tot janne lobbe soen arnds wilen lobbe brueders svoirs(creven) wilen ghijsbrechts/ alse van zek(ere)n haefliken goeden die de voirs(creven) wilen ghijsbrecht gemaict/ soude hebben in testamente der voirs(creven) zijnre dochter te weten xxx/ ellen ond(er) dwelen en(de) a(m)melaken(en) ii grote schotelen vi gemeyne scotele(n)/ ii zoutvate ii tynnen potten ii kendele(re)n iiii ellen lakens en(de) eene(n)/ onderrock gevoedert onder eenen minxelen? rock gelijc testament dat/ voirder inhoudt welcke goede de voirs(creven) willem yesch vanden voirs(creven)/ janne mids zek(ere)n geluften die de voirs(creven) wilen arnd dien goeden ae(n)gaen(de)/ gedaen hadde der voirs(creven) katlinen in scepen(en) brieven van haeght die alh(ier)
//
in rechte gelezen waerden en(de) mids dat de voirs(creven) jan svoirs(creven) zijns vad(er)s/ have aenveerd hadde also de voirs(creven) willem seide In welken eyssche/ de voirs(creven) jan hoopte ongehouden te wesen mids diversen redenen en(de)/ zunderlinghe wantmen ne(m)mermeer bevynden en soude dat hij zijns/ vad(er)s have aenveerd hadde Ende aensprake en(de) verantw(er)den geschied/ zijnde waerden beide de voirs(creven) p(ar)tien gewijst tot heuren bethoene/ des de voirs(creven) willem bizunder alse vanden aenveerdene vander haven/ egheenssins en volquam So hebben de scepen(en) van loeven ter/ maniss(en) tsmeyers gewijst voer een vo(n)nisse dat de voirs(creven) jan onge/ houden zijn sal vander aenspraken die de voirs(creven) willem te hemw(er)t/ gedaen heeft Cor(am) roel(ants) oppend(orp) borgh heykens junii p(ri)ma