Item tusschen meester pet(ere)n van loeven in deen zijde en(de) diericken janssoen/ van oirle in dande(re) die alhier tegen een in rechte staen van zek(ere)n/ saken dairaf de voirs(creven) dierick zeke(re) thoenisse en(de) getuygen geleidt/ heeft So hebben de scepen(en) van loeven gewijst na tversueck svors(creven)/ meester peters dat hem de namen en(de) toenamen vanden getuyghen/ die inder saken getuyght hebben werden selen en(de) dat hij dan/ op der selver getuyghen deposicien allege(re)n mach en(de) dae(re)nteynden/ recht en(de) oft hij e(n)nich gebreck heeft van ande(re)n acten inder saken/ geschied dat hij dat vervolghen mach aen de secretair(is) der onder/ die geregistreert staen oft ten uut(er)sten voe(r) den raide vander stad/ Cor(am) roel(ants) oppend(orp) borgh vync heyk(ens) cav(er)son junii xii