Cond zij allen lieden dat een deylinghe en(de) scheydinghe geschied/ zijnde tusschen gorisen ende kerstiaene van dyeven gebruede(re)n soene/ jacobs wilen van dyeven en(de) wilen g(er)truyden vanden wychuyse zijns/ wijfs en(de) goirde vanden berghe ende joffr(ouwe) g(er)truyden zijnre huysvrouwen/ zuster der voirs(creven) gebruede(re)n bij weten en(de) consente meest(er) vrancks/ van dyeven brueder svors(creven) wilen jacobs ende bij consente jans van coelen/ alse maegh der voirs(creven) kynde(re) van heurer voirs(creven) moeder weghen/ ende oic bij weten ende consente van eenen vanden burg(er)meest(ere)n/ en(de) van e(n)nighen vanden raide der stad van loeven op ende vanden/ goeden den voirs(creven) kynde(re)n gebleven na ende vander doot van heuren/ vorde(re)n en(de) oic vanden goeden die zij selve vercregen hebben te/ deylen/ So zijn bleven en(de) gevallen den voirs(creven) gorisen in zijnre deylinghen de/ goede hier ba bescreven Te weten ierst een ca(m)me geheten den/ oliphant met allen heurer toebehoirten gelegen te loeven inde proofst(ra)te/ tusschen de goede gielijs gielijs barbiers en(de) thuys geheten den struys/ It(em) een huys met eenen stellekene en(de) ande(re)n zijnen toebehoirten gelegen/ in deyckstrate neven de goede [vacat]/ It(em) twee huyskens met eenen hoppecruythove en(de) ande(re)n heuren/ toebehoirten gelegen inde ravestrate/ It(em) tween(de)twintich rijnsch(en) gulden(en) erfliker rinten aen ende op zeke(re) goede/ en(de) onderpande wilen willems van daelhem gelegen te daelhem en(de)/ dair omtrint It(em) anderhalven gulden(en) saluyt erfliker rinten aen/ en(de) op zeke(re) goede en(de) onderpande huys ende hof/ gelegen te meldert It(em) twee rijnsche gulden(en) erflic aen en(de) op/ huys en(de) hof jans pedeman gelegen ts(in)t jorijs weerde/ It(em) vijf mudden rogs der maten van loeven erflicx pachts aen/ en(de) op zeke(re) goede en(de) onderpande jans goederthoys gelegen ts(in)t/ jorijs weerde voirs(creven) It(em) een crone erfliker rinten aen en(de)/ op een huys met der toebehoirten/ gelegen neven tgroot gasthuys te loeven/[vacat] It(em) twee mudden rogs erflic der maten van/ loeven aen en(de) op zeke(re) goede en(de) onderpande gelegen te wack(er)sele/ toebehoiren(de) [vacat] It(em) een stuc eeussele/ gelegen te velthem gelijc de voirs(creven) kynde(re) dat aldair houdende/ waren tusschen [vacat]
//
It(em) drie dachmail beemds gelegen te wijchmale/ It(em) vierdalf dachmail lands gelegen opt dlancvelt/ It(em) anderhalf dachmail lands gelegen opt selve velt tusschen [vacat]/ It(em) thien dachmail lands gelegen topvelpe/ It(em) een dachmail lands gelegen aenden roesselbergh/ It(em) drie dachmail lands gelegen opten maleyserbergh/ It(em) een vierdel wijngairts gelegen opten roesselbergh/ It(em) een vierdel wijngairts gelegen op boxhorens block/ Item sijn bleven en(de) gevallen den voirs(creven) kerstiaene in zijnre/ deylinghen de goede hier na bescreven Ierst een hof met/ huysen hoven boeg(ar)den wate(re)n beemden eeusselen en(de) allen zijnen/ toebehoirten gelegen te lovenjoul tsamen met allen den goeden/ die de voirs(creven) gebruede(re)n en(de) zuster inde prochie van lovenjoul houden(de)/ waren hoedanich die zijn Item vier sacke corens erflic der/ maten van thienen aen en(de) op zeke(re) goede der gebruede(re)n h(er)rots/ gelegen te gheest It(em) twintich moelevaten rogs erflic aen en(de) op/ zeke(re) goede jans spillon te gheest gelegen It(em) alle dande(re) goede/ in beemden bosschen en(de) wynnen(de) landen die de vors(creven) gebrued(ere)n en(de)/ heure zuster te gheest houdende waren It(em) een buschelken/ houden(de) een half boender en(de) xvii roeden met den opgaenden houte/ dair op staende gelegen doir den baenhovel bij ghempe It(em)/ neghen gulden cronen te vie(re)ntwintich stuv(er)s tstuc erflik(er) rinten/ aen en(de) op een huys geheten onser vrouwen huys nu toehoiren(de)/ arnde de witte gelegen inde scepstrate neven den salm en(de) op/ tselve huys geheten den salm jannes tielens/ It(em) een crone erfliker rinten op huys en(de) hof mychiels van/ breedzijp geheten bras gelegen inde hoolstrate It(em) eenen
//
peter erfliker rinten aen en(de) op huys ende hof/ gelegen neven de nieuwbrugghe It(em) acht gulden cronen erflic/ aen en(de) op zeke(re) goede lodewijcks van holair gelegen te weterbeke/ It(em) een stuck beemds geheten de brande gelegen op dlangvelt/ tusschen [vacat]/ It(em) een vierdel wijngairts gelegen op stupers/ Item sijn bleven ende gevallen den voirs(creven) goirde en(de) joffr(ouwen)/ g(er)truyden zijnre huysvrouwen in heurer deylinghen de goede/ hier na bescreven Ierst drie huyse met heurer toebehoirten/ gelegen opte leye deen neven dande(re) tuschen de goede [vacat]/ en(de) de dyle tsamen met eenen hove gelegen/ inden langenbruel/ It(em) een huys met zijnre toebehoirten gelegen inde borchstrate/ neven de ca(m)me geheten den hazenwynd tusschen [vacat]/ It(em) eenen boegairt/ houden(de) vijf dachmail gelegen te wiltsele/ It(em) eenen beemd gelegen int hamelbroeck [vacat]/I It(em) een dachmail beemds gelege(n)/ te rotselair ter plaetsen geheten inden ghevel It(em) drie vie(re)ndeel/ beemds oic aldair gelegen It(em) vier saluyte goed ende ghinghe/ erfliker rinten op een huys oft ca(m)me geheten den meynairt jans/ vander phalizen brieders gelegen opte grote merct te loeven aen/ crabbendijck It(em) vier gulden cronen erfliker rinten aen en(de) op/ een ca(m)me metter toebehoirten geheten den yngel gelegen te loeven/ inden wierinck It(em) twee rijnsch(en) gulden(en) erfliker rinten aen/ en(de) op een huys met zijnre toebehoirten lodewijcks willemair gelege(n)/ inde scepstrate/ It(em) drie peters erfliker rinten aen ende op de stad van loeven It(em)/ vier capuyne erflic op huys ende hof gielijs yecks gelegen inde/ dorpstrate/ It(em) twee stuv(er)s oft de weerde d(air)af erflic aen en(de) op huys ende hof/ jans mertens gelegen inde hoolstrate omtrint der dweerser/ goeten It(em) drie ryders erfliker rinten aen en(de) op zeke(re)/ goede peters van voshem gelegen te werchte(r) It(em) een bloc houden(de)
//
een boender gelegen buyten der borghpoirten op dynde vanden steenweghe/ tusschen [vacat]/ It(em) vier zacke corens erflic aen ende op zeke(re) goede ende onderpande/ gelegen te boutershem It(em) twee mudde rogs erflic aen en(de) op/ een moelen met der toebehoirten geheten de borchmoelen gelegen/ onder de borgh te loeven It(em) een half boender lands gelegen/ te velthem/ It(em) drie mudde rogs erflic op zeke(re) goede gelegen opte langhe loe/ toebehoirende der bruederscap van s(in)te quintens te loeven tuschen/[vacat]/ It(em) anderhalf vierdel wijngairts gelegen te loeven inde cortegroeve/ tusschen [vacat]/ It(em) twee mudde rogs erflic op zeke(re) goede ende onderpande gelegen/ te kyesekem tuschen [vacat]/ En(de) oft yemant e(n)nige goede verloe(r) die hier niet gedeilt en zijn [met rechte dat verlies] selen sij/namails dey te gelike dragen En(de) of dair e(n)nige bevonden worden [hier] niet gedeilt/ zijnde dat zij die te gelike deylen selen/ Welke deylinghe en(de) scheydinghe aldus wettelic geschied zijnde/ de voirs(creven) p(ar)tien gelooft hebben malcande(re)n vast en(de) gestentich te/ houden elcke op tgedeelte der ande(re)r behoirlic verthijende/ en(de) renu(n)cie(re)nde Gelovende voirts deen den ande(re)n dairaf alt(oes)/ genoech te doen also dat hem vast en(de) zege zeker sal moegen/ wesen tot eeuwighen daghen Cor(am) oppend(orp) borgh/ aug(usti) iii