It(em) margriete janssoen dochter wilen wouters heeft verhuert en(de)/ bekendt verhuert te hebben bastijne be(re)nbruynen verwe(r) eenen/ boegairt met zijnre toebehoirten gelijc hij gelegen es int he(m)meken/ tusschen de goede henricks van berchsem en(de) lodewijcx van/ hombeke geheten criecksteen Te houden te hebben ende te/ gebruycken van s(in)te m(er)tensmisse naistcomen(de) eenen t(er)mijn van/ drie jairen langh eemp(ar)lic vervolgen(de) elcx jairs dae(re)nbi(n)nen/ voe(r) en(de) om xxxvi stuv(er)s ts(in)te mertensmisse te betalen der/ vors(creven) m(ar)grieten jairlicx den voirs(creven) t(er)mijn due(re)nde (et)c(etera) q(uoli)[b(et)] ass(ecutu)[m]/ met vorwerden dat de vors(creven) bastijn in afslaghe vander vors(creven)/ hue(re)n jairlicx betalen sal van tsijze daer uutgaende x stuv(er)s/ en(de) hij sal de voirs(creven) goede jairlicx den voirs(creven) t(er)mijn duerende/ wel en(de) loflic bevreden Ende de voirs(creven) margriete heeft heur/ bekendt betaelt ende vernueght te wesen vander hueringhen/ vanden voirs(creven) drie jairen Voert es vorwerde so verre/ de voirs(creven) margriete den voirs(creven) boegairt vercochte bynnen den/ voirs(creven) drie jairen dat dan de voirs(creven) hueringhe te nieute zijn/ sal behoudelic hem zijnre hueringhen vanden jaire dairinne/ de selve hueringe gegaen zijn sal en(de) dat zij hem oic alsdan/ wederkee(re)n sal tghene des hij heure ov(er)betaelt sal hebben va(n)/ des zij van hem nu ontfaen heeft Cor(am) blanck(ar)t m(er)cels/ aug(usti) xxiii