Item also als vranck wilen hochts van lovenjoul met wille en(de) (con)sente/ margrieten zijns wijfs anderwile in zinen testamente gemaict en(de)/ gelaten heeft henricken hochts zijns brueders sone onder den/ ande(re)n de goede hier na bescreven de selve goede na de doot/ des langhsten leven(de) vanden voirs(creven) gehuysschen en(de) niet eer/ te hebben en(de) taenveerden Te weten een stuck lands houdende/ anderhalf dachmail of dair omtrint gelegen te lovenjoul opt/ kerckhofvelt tusschen de goede jans nijs ende der kynde(re)n loenijs/ It(em) de helicht van drie vie(re)ndeel scapen gelijc tselve testame(n)t/ d(air)op gemaict int jair xiiii[c] lxxii opten yersten dach van/ julio dat voirder inhoudt en(de) begrijpt So es comen voe(r)/ scepen(en) van loeven de voirs(creven) henrick hochts bekynnen(de) hem/ bijder voirs(creven) margrieten en(de) wille(m)me vander hofstad [nut(er)tijt heuren man] vanden vors(creven)/ twee p(er)cheelen van goeden en(de) van niet meer volcomelic v(er)nueght/ en(de) voldaen te wesen Sceldende hen dairaf en(de) va(n) alle(n)/ ande(re)n haefliken actien stucken en(de) saken daer inne de voirs(creven)/ gehuyschen en(de) wilen vranck te hemw(er)t gehouden moegen/ zijn tot desen daghe toe volcomelic quijt En(de) gelovende/ hen en(de) heuren erfgenamen en(de) nacomelinghen d(air)af ne(m)mermeer/ teysschen te quellen oft te moeyen bij hem selven of yeman(de)/ and(er)s in gheenen rechte gheestelic of weerlic in e(n)nigher/ manie(re)n mair hen d(air)af altijt inne te staen en(de) recht warand/ te zijne tegen eene(n)yegeliken Heeft voirt gelooft de vors(creven)/ henrick den vors(creven) gehuyschen theurer maniss(en) ende op/ heuren cost vanden voirs(creven) and(er)halven dachmail lands behoir/ like guedinghe en(de) vesticheid te doen voer hof ende he(re) d(air)afmen/ die houden(de) es Et t(antu)m Ende hier voe(r) es borghe desselfs/ henricks gielijs van holair zadelmake(r) woenen(de) te loeven/ et p(ri)mus behoudelic nochtan den voirs(creven) henricken zijn/ recht in dande(re) erflike goede des voirs(creven) wilen vrancks/ na inhoudt vanden voirs(creven) testamente Cor(am) blanckairt lynden aug(usti) pe(nulti)[ma]