It(em) also als ten vervolghe jans van bullestraten poirt(er)s der stad va(n)/ loeven gescreven es geweest den meye(r) van he(re)nt oft zijnen stadhuld(er)/ den selven janne en(de) janne zinen sone in zijnen broode wesende/ costelois tontslaene en(de) ongemoeyt te laten vander clachten/ die hij te henw(er)t gedaen hadde En(de) hadde de selve meye(r)/ den voirs(creven) onsen poirte(r) of zijnen sone yet willen eyschen oft/ alleg(ere)n dat hij des op heden alhier voer meye(r) en(de) scepen(en) te/ rechte quame (et)c(etera) So heeft hem de voirs(creven) poirt(er) op heden te/ rechte doen p(rese)nte(re)n dair de vors(creven) meye(r) niet tegen comen en es/ noch onschout gesonden en heeft Cor(am) scab(inis) in scampno sept(embris) xi