It(em) willem van haesdonck voerspreke verhalende hoe hij anderwile alse/ p(ro)cureur jehannen mattelot weduwe jans wilen cools hadde moeten instaen/ voe(r) de selve jehanne te bruessel aen eene(n) geheten symoen va(n) papenbroec/ wijnvercop(er) voe(r) de so(m)me van xxxii rijnsch(en) gulden(en) en(de) zeke(re) costen/ d(air)aen clevende welck coopman tvoirs(creven) instaen vorde(re)n wille op den/ voirs(creven) wille(m)me en(de) zijnen borghen die d(air) voe(r) te bruessel gepraemt/ zijn en(de) also de sake te verantwerden met rechte Aensiende d(er) selv(er)/ jehannen alhier tegewoirdich zijnde oft zij dat alse heur sake v(er)antw(er)d(en)/ woude en(de) den voirs(creven) wille(m)me d(air)af ontslaen oft en wilde insinue(re)nde/ heure en(de) te kynnen gevende oft zij dat in tijts niet doen ende/ besorghen en wilde en(de) hij oft zijn borghen d(air)om gepraemt ende/ gedoemt worden dat hij dat aen heure en(de) heur goede soude meyne(n)/ te verhalen met rechte Daer op de selve jehanne luttel oft niet/ verantw(er)de ten p(ro)poiste noch heur der saken aendroegh oft ae(n)nam te/ verantwerden Bege(re)nde de voirs(creven) willem hem dit geregistreert/ te moegen werden dwelck hem also geconsenteert was Act(um) in/ pleno (con)silio tsond(aeghs) aug(usti) xvi