It(em) henrick van scoenhoven natuerlic soen joncker henricks wilen van scoenhoven/ heeft wettelic gemechticht en(de) volcomen macht gegeven en(de) met des(en) l(ette)ren mecht(ich)/ maict en(de) volcomen macht gheeft h(ere)n philipse van scoenhoven [svorsc(reven) joncker henricks wettich zone] he(re) te waenrode ridde(r) om alle desselfs henricks chijse rinten pachten en(de) sculden diemen/ hem nu sculdich es oft namails wesen sal te manen teyschen op te/ boe(re)n en(de) tontfanghen den sculde(re)n van zijnen ontfanghe quijt te schelden/ en(de) quitancie te gheven De selve chijse rinten pachten pachten en(de) sculden/ met rechte te vervolghen (et)c(etera) In forma [cu(m) substitucione?] Salvo q(uod) non revocabit infra/ t(re)s a(n)nos p(ro)x(ime) non re Cor(am) ouder(ogghe) burg(imagistro) heykens caverson oct(obris) xxviii