It(em) huyghe van udekem ondermeye(r) te loeven heeft gekendt gehaven ende/ ontfanghen te hebben van gorijse van s(in)te peters vijf gulden cronen/ en(de) tderdel van eenre cronen te vijfen(de)twintich stuv(er)s elcke crone/ gerekendt die de voirs(creven) gorijs den voirs(creven) huyghen gelooft hadde te/ betalen tot eenen zek(ere)n daghe overleden voe(r) claese de beye(re) die tselve/ gelt sculdich was philipse pynnoc en(de) de selve philips dede geloven/ den voirs(creven) huyghen van alsulken xvi geliken cronen alse de voirs(creven)/ claes den voirs(creven) philipse sculdich was mids eenre uutspraken tuschen/ hen bij goeden mannen geschied Scelden(de) de voirs(creven) huyghe en(de) met/ hem de voirs(creven) philips den voirs(creven) gorisen en(de) claese vanden vors(creven) vijf/ cronen en(de) een derdendeel volcomelic quijte Cor(am) borgh heyk(ens)/ no(vembris) vii