It(em) es tusschen de voirs(creven) sculde(re)n ende crediteuren gevord(er)t dat de selve credi/ teuren inde stad vanden voirs(creven) vi ryders heffen zelen [eenen ryder tsjaers] zess t(er)mijnen langh/ naist verschinen(de) deen na dander van alsulken ryde(r) alse de voirs(creven) sculde(re) heeft tsinen live op zeke(re) goede jans vanden berghe geheten de zege(re)/ en(de) marien zijns wijfs gelegen ts(in)t jorijs weerde ten voirs(creven) dage jairlicx/ vallen(de) gelijc de scepen(en) brieve gemaict int jair xiiii[c] ende tseventich acht/ daghe in januario dat begripen ende want de voirs(creven) lijft(ocht) steet/ sdorps rechte So es vorwerde zo verre de voirs(creven) crediteuren dairaf/ e(n)nigen last hadden dat zij zelen moegen met den voirs(creven) brieve/ vander geluften verreycken wairt oic dat de voirs(creven) rinte gequeten/ worde eer de voirs(creven) termijnen verstreken waren zo sal de sculde(re)/ gehouden zijn heure op te leggen tghene des heure alsdan vander/ voirs(creven) so(m)men ombetailt uutsteet en(de) dat zelen zij oic metten vors(creven)/ brieve verreicken maer oft de sculde(re) storve bynnen den voirs(creven)/ t(er)mijnen zo sal de voirs(creven) gelufte quijt zijn van des alsdan dairaff/ niet gevallen en es Welke lijfrente voirscr(even) de voirs(creven) sculde(re) gelooft/ heeft den voirs(creven) crediteuren peislic te doen en(de) te laten volgen opte/ condicien en(de) manie(re)n voirscr(even) zonder argelist eisd(em)