It(em) jan vander bruggen van hugairden in teg(enwoirdicheit) der scepen(en) van loeven gestaen heeft/ openbairlic gekind dat peter vanden berghe zijn zwagher die tegen hem/ voertiden deughdelic gecocht en(de) gecregen heeft alrehande goede ende/ rinten te weten thoff en(de) de goede die hij jan hadde en(de) hem bleven/ van zijnen vorde(re)n met allen zijnen toebehoirten gelegen te berthem en(de)/ daer omtrint It(em) alsulken vier mudde rogs lijftochten ten live svors(creven) jans/ en(de) ten live joffr(ouwen) lijsbetten spechts zijns wijfs die zij in tvoirs(creven) v(er)copen/ opte voirs(creven) goede behielden It(em) een vierdel wijngairts gelege(n) buyten/ der borghporten aen thoevenstreetken It(em) de helicht van eenen bosche/ gelegen op schittelbergh houden(de) int geheele acht boende(r) en(de) een half/ hem van allen den goeden ende renten voirscr(even) volcomelic betaelt ende/ vernueght heeft met goeden gereden pe(n)ninghen die hij (half)om janne/ voirs(creven) en(de) (half)om ande(re)n in desselfs jans sculden gegeven hadde Scelden(de)/ de selve jan de voirs(creven) goede ende rinten tot behoef svoirs(creven) peters/ en(de) oic alle tghene des hij uut saken van dien den selven pet(ere)n e(n)nichsi(n)s/ soude hebben moegen eysschen volcomelic quijte Gelovende de selve goede/ noch renten noch oic den voirs(creven) pet(ere)n uut ocsuyne van dien ne(m)mermeer/ teyschen aen te spreken te quellen noch te vexeren in e(n)nigher manie(re)n mair/ hem ende zinen nacomelinghen die peislic te laten volghen en(de) gebruycken/ tot eeuwighen daghen en(de) oic boven de guedingen en(de) vestich(eit) die pet(er)/ vors(creven) van hem d(air)af hadde alnoch hand en(de) mond te leenen zo verre de/ voirs(creven) peter des van hem beg(er)de tot allen plaetsen daer hij des bege(re)n sal/ en(de) altoes dairaf genoech te doen oft hem yet daer aen gebrake Voerts heeft/ de voirs(creven) jan bekind dat de voirs(creven) peter hem volcomen rekeninge bewijs en(de)/ genoech doen gedaen heeft van alsulken twee cronen lijfrenten alse janne/ voirs(creven) sculdich was tot zinen live met scepen(en) brieven van loeven een gehete(n)/ laureys heyns met zek(ere)n zinen borghen van welcken twee cronen lijfrente(n)/ de voirs(creven) peter dbewynd en(de) ontfangh gehadt heeft beide vande(n) p(ri)ncipale(n)/ gelde en(de) vanden jaerpachten en(de) rinten der selver Bekynnen(de) voirts de vors(creven)/ jan dat hoewel de voirs(creven) peter hem van all tghene des hij te hemw(er)t uut saken/ vanden voirs(creven) vercrige belangh was wel ende deughdelic betaelt hadde also/ voirscr(even) steet de selve peter noch boven dien uut rechter deughden en(de) zine(n)/ vryen wille den voirs(creven) janne gegeven heeft in goeden gereden ghelde/ achtien rijnsch(en) gulden(en) goed ende ghinghe Cor(am) borgh vynck dec(embris) xx Sen(tentiatum) p(er) ludovicu(m) de schoe(re) tamq(uam) p(ro)cur(ator)e(m) do(m)icelle helene schouts rel(i)c(t)e petri q(uon)d(am)/ vanden berghe febr(uar)[ii] xx[a] anno lxxxii cor(am) roelants tybe scab(inis)