It(em) vander aenspraken die joes vakairt mairscalc gedaen heeft inde banck alh(ier)/ tot janne leemans van dat hij joes den selven janne gemeestert en(de) genesen/ hadde vier zijn p(er)de dairaf hij yesch zijnen pijn en(de) arbeid bekynnen(de) d(air)op/ gehaven te hebben een halst(er) corens Dair op de voirs(creven) jan seyde noch boven/ tvoirs(creven) coren den voirs(creven) joese gedaen te hebben in afslaghe een vaerd om/ smedecolen inden wynter biedende des zijnen eed (et)c(etera) So hebben de scepen(en)/ van loeven gewijst voe(r) een vo(n)nisse dat de voirs(creven) leeman den voirs(creven) joese/ van zinen voirs(creven) pijn en(de) arbeide voldoen sal ter deughdeliker taxacien en(de)/ oft hij joese yet wed(er)om teyschen heeft dat hij dat volgen mach met/ rechte roel(ants) vync heyk(ens) caverson ja(nua)[rii] xvi