It(em) vander questien die geweest es tusschen janne van ost alse p(ro)cureur/ meester jans trabuckier ter eenre zijden en(de) jannese robbijns alse p(ro)cur(eur)/ she(re)n van boutershem ter ande(re) van dat de voirs(creven) jannes meynde eenen/ ande(re)n dach van thoenen te hebben inder saken tusschen hen uutstaen(de)/ mids gebreke van zek(ere)n [c(er)tificacien van seke(re)n acten ende] gescriften die hij beg(er)t hadde uuten raide/ van brabant de welke hij alnoch niet en hadde konnen gecrigen/ wat diligencien hij d(air)toe gedaen hadde also hij zeide Dairaf/ de voirs(creven) van ost meynde neen So es gewijst met vo(n)nissen/ dat de voirs(creven) jannes noch eenen ande(re)n dach van thoenen en(de) een/ voer all hebben sal den welken genomen es van heden in xiiii/ nachten te mistide Cor(am) scabinis in scampno sdijsd(aeghs) ja(nuarii) xix