SAL7761, Act: V°130.2 (383 of 650)
Search Act
previous | next
Act V°130.2  
Act
Date: 1473-03-13

Transcription

2020-08-30 by Walter De Smet
It(em) na dat henrick metten gelde heeft op heden willen aenspreken/
janne coremans van xx(½) mudden rogs ii mudden tarwen en(de) tween/
mudden hollan(sche) gulden(en) die hij jan den voirs(creven) henricken gelooft soude/
hebben voe(r) scepen(en) van leefdale alse voe(r) den pacht vanden goeden/
svoirs(creven) henricks dair hij jan alse wyn op geseten heeft ende/
de voirs(creven) coremans meynde dat henrick d(air)af niet aenspreken en/
soude want die sake mede begrepen was inder submissien die/
zij in beiden zijden aengenomen hadden te doen van diversen/
poenten der wy(n)ninghen der voirs(creven) goede aengaende D(air)af henr(ick)/
hielt ter contrarien dat hij voertvaren soude moegen bij zek(ere)n/
geluften die hij jan onlanghs van dairaf alhier rechts te plege(n)/
gedaen hadde en(de) want oic de submissie vanden voirs(creven) coirne/
niet en begreep So hebben de scepen(en) van loeven gewijst met/
vo(n)nisse dat de voirs(creven) henrick met zijnen eysche sal moeghen/
voertvaren niet wed(er)staende der calangien Cor(am) om(n)ib(us) scab(inis)/
in scampno m(ar)cii xiii
ContributorsJan Boncquet
Moderated byJan Boncquet
Last update: 2016-05-10 by Xavier Delacourt