It(em) coel ende henrick voets geheten tscuyps gebruede(re)n soene wilen geldens hebben/ gelooft [ind(ivisim)] joffr(ouwen) lijsbetten weduwe meester vrancks wilen van dyeven alse vanden/ houwen van drie stucken bosch houden(de) deen vijf en(de) een half boender gehete(n)/ den ruelensbergh anders den hazenbergh en(de) dander houden(de) een boender/geheten geheten tdoerneken also dat besloten leeght op hem selven aen dov(er)hage/ tderde stuck bosch geheten de gheesbeke aende sleckerstrate te [weten] voe(r) thout/ van elken boende(r) vanden yersten stucke xv rijnsch(en) gulden(en) te xx stuv(er)s tstuc/ d(air)af de ii boende(r) en(de) een half nu gehouwen zijn en(de) dande(re) iii boende(r) salmen/ houwen ten naisten toecomen(de) jae(r) en(de) tgelt vanden voirs(creven) ii(½) boend(ere)n zelen zij/ betalen half ts(in)t jansmisse naistcomen(de) en(de) dander te kersmisse d(air)na volgen(de)/ en(de) vanden ande(re)n drie boend(ere)n zelen zij tgelt gheven ten selven ii termijne(n)/ naest den afhouwene van dien iii boende(re)n comen(de) En(de) voe(r) thout vanden/ voirs(creven) doernekene dwelc zij houwen selen t(er) stont tsijnen zeven jae(re)n twi(n)tich der/[voirs(creven)] rijnsch(en) gulden(en) te betalen ten naisten vanden voirs(creven) ii t(er)mijnen die na thouwen/ va(n) dien [yerst] comen zelen En(de) voe(r) tvoirs(creven) bosch te gheesbeke dwelck zij oic/ houwen selen tzinen zeven jae(re)n [selen zij] en(de) betalen dair voe(r) twintich rijnsch(en) gulden(en)/ ind(en) weerden voirscr(even) ten selven yersten termijnen [voirs(creven)] na thouwen van dien [bosch] comen(de)/ En(de) es vorw(er)de dat zij alle thout vanden voirs(creven) bosschen als dat gehouwen es/ selen moeten ruymen vanden bossche voe(r) s(in)t jansmisse dairna comen(de) Voerts/ es vorw(er)de dat de voirs(creven) weduwe van elcken vanden voirs(creven) ii lesten stucken/ bosch sal hebben een hond(er)t hopstaken goed en(de) cusbair en(de) die salmen heur/ op dbosch leve(re)n t(er) stont alst dbosch gehouwen es Voerts es vorwerde datmen/ tvoirs(creven) yerste stuck van v(½) boend(ere)n alst al gehouwen es sal h(er)meten en(de) oftmen/ dat bevynd min of meer houden(de) inder maten d(air)na selen de schuld(ere)n myn of meer/ gheven dan voirs(creven) es eisd(em)