It(em) de voirs(creven) meest(er) jacob alse p(ro)cureur (et)c(etera) heeft geordineert gestelt en(de)/ gemaict janne cordewaens om te wesen meye(r) svoirs(creven) h(ere)n prioers/ vander h(er)licheit die hij alse prioer heeft tot libbeke ende tot/ lovenjoul Geven(de) den selven janne volcomen macht aucto(r)iteit ende/ beveel de voirs(creven) meyerie te verwaren en(de) te bedienen van alles des/ dair toe behoirt en(de) de voermeye(re)n geploghen hebben en(de) vermoghen/ te doen Gevende voirts den voirs(creven) janne volcomen macht en(de) aucto(r)iteit/ alle chijse rinten pachte en(de) sculden der voirs(creven) p(ri)oerscap ten voirs(creven)/ plaetsen toebehoiren(de) te manen teyschen op te boe(re)n en(de) tontfangen/ den sculde(re)n van zijnen ontfanghe quijt te scelden en(de) quita(n)cie te/ gheven De selve tsijse rinten pachten en(de) sculden en(de) des d(air)aen cleeft/ met rechte te vervolghen en(de) te bedinghen (et)c(etera) In forma Geloven(de) vast (et)c(etera)/ Cor(am) roelants opp(endorp) oct(obris) xxvi