It(em) jan oeghe voirscr(even) heeft overgegeven en(de) geconsenteert den voirs(creven) zinen borgen/ dat zij oft deen oft de twee van hen alsulken albomen houten alse hij gecocht/ heeft tegen gorijse van s(in)te peters het zij dat zij gevelt zijn oft noch staen/ tsamen met den berders en(de) afvalle d(air)af alsnu gemaict en(de) niet vercocht
//
noch gelevert hebben ende aenverden moeghen alst hen gelieft en(de)/ die voerts all ten coste vanden goede doen hanthe(re)n vercopen en(de)/ pe(n)ninghw(er)den om hen met den gelde d(air)af comende vander voirs(creven)/ borchtocht te lossen ende vander ov(er)baten oft zij meer gehaven/ hadden d(air)af zelen zij den principalen restitucie doen Ende stselve/ hout zelen zij also voirs(creven) es aenveerden alst hen gelieft in/ alsulken state alst es oft zijn sal ten tijde vanden aenverdene/ het zij gewracht oft ongewracht Ende de voirs(creven) jan oeghe heeft/ gelooft tvoirs(creven) hout den voirs(creven) zinen borghen peislic te doen en(de)/ en(de) te laten volghen ter meyni(n)ghen voirscr(even) als zij oft e(n)nich va(n)/ hen des bege(re)n selen en(de) hande dairaen slaen willen zonder/ argelist Heeft voirt gelooft den voirs(creven) zinen borghen hen met/ allen te lossen en(de) tontslaen vander voirs(creven) borchtocht costel(oes) en(de)/ scadelois tot heuren oft des eens van hen manissen eisd(em)