It(em) also als bastijn coursay hier hadde doen houden janne van dyeven voe(r) svoirs(creven)/ bastijns en(de) zijnre medeplicht(ere)n aengedeelte van ii rijnsch(en) gulden(en) erflic die/ bleven zijn na de doot katlinen van breedzijp weduwe bastijns de moor gehete(n)/ bastijns en(de) d(air)inne de voirs(creven) jan en(de) jan carbeel met zek(ere)n ande(re)n borghen der/ selver katlinen bekindt heeft met scepen(en) brieven va(n) lov(en) d(air)mede de vors(creven) ja(n) carbeel/ ingescr(even) was vanden voirs(creven) bastijne en(de) arnde bastijns zijnen brueder so heeft/ de voirs(creven) van dyeven bij ordinancien vanden burg(er)meest(er) ouderogge hier gesett/ eenen nieuwen ingelschen nobel om d(air)af den vors(creven) ja(n)ne te gheven desmen sal/ bevynden dat hem vander voirs(creven) rinten behoirt te volghen en(de) dat also saen/ als dat bevonden sal zijn En(de) heeft voirt gelooft de voirs(creven) van dyeven voert/ inne te staen va(n) svoirs(creven) bastijns rechte en(de) actien der vors(creven) erfrinten of zij/ hoeg(er) gedroeghe dan den vors(creven) nobel Cor(am) eisd(em)