Gheerd van ertrijcke/ It(em) alse vanden gedinghe dat geweest es voe(r) meye(r) en(de) scepen(en) van loeven/ tusschen henricken hombaix geheten vander moelen in deen zijde/ en(de) gheerde van ertrijcke van nederlynthe(r) alhier inder vroenten/ zittende ten versuecke svoirs(creven) henricks [of zijnre medeplege(re)n] in dande(re) aldair de selve/ henrick yesch vanden voirs(creven) gheerde betalinghe van eenen scepen(en)/ brieve van loeven sprekende van lxxv rijnsch(en) gulden(en) die hij/ gheerd den voirs(creven) henricken [en(de) zijnen medepleg(ere)n] tot eenen zek(ere)n daghe gelooft hadde/ te betalen op eenen zeke(re)n banduyn Op welcke gelufte de selve/ gheerd die te voe(re)n inder voirs(creven) hachten zat geslaect was en(de)/ op eene gelufte die hij mede dede zo verre hij des niet en dade/ ten tijde dairtoe genoemt dat hij dan weder inder vroenten comen/ soude (et)c(etera) gelijc de selve geluften staende int register en(de) geschied/ ja(nua)[rii] penulti(m)a lestleden ond(er) baussele en(de) ongevo(n)nist zijnde dat voird(er)/ inhouden Van welcker yerster geluften de vors(creven) gheerd meynde onge/ houden te wesen mids dat hij die niet voldoende inder vroenten/ weder comen was en(de) mids ande(re)n reden(en) die hij d(air)toe allegeerde en(de)/ boed te thoenen En(de) thoenisse d(air)af gehoirt zijnde so hebben de/ scepen(en) van loeven ter maniss(en) tsmeyers gewijst voe(r) een vo(n)niss(en) dat/ de voirs(creven) gheerd vander voirs(creven) geluften ongehouden zijn sal behoudelic/ heeft zijn wed(er)man hem uut saken van zijnre yerster hachten yet/ aen te spreken dat hij dat sal moegen doen en(de) dat hij gheerd/ daer voe(r) inder hachten bliven sal Cor(am) roel(ants) oppend(orp) pynnoc heyk(ens)/ caverson m(ar)cii xvi