It(em) na dat alhier in rechte comen zijn willem vander loe in deen zijde en(de) roelof/ roelofs zijn zweer ter ande(re) aldair de voirs(creven) p(ar)tien voertbrochten ende/ deden lezen eenen scepen(en) brief van loeven gemaict xiiii daghe in/ februario int jair xiiii[c] neghen(en)tsestich sprekende van eene(n) appoente/ mente en(de) concordien tusschen hen geschied en(de) gemaict van zeke(re)n/ diversen poenten die zij malcande(re)n geloofden tonderhouden ende/ noch eenen scepen(en) brief van loeven gemaict elf daghe in junio int/ jair xiiii[c] lxxi begripen(de) oic zeke(re) poenten dier zij bekynden ov(er)comen/ te wesen geloven(de) die malcande(re)n tonderhouden en(de) te voldoene tsamen/ met den poenten inden voirs(creven) yersten brieve verclairt zo verre die met/ den voirs(creven) tweesten brieve niet verandert noch gebroken en waren Van/ welken twee brieven elck der voirs(creven) brieve p(ar)tien seyde hem gebreck/ te hebben bege(re)nde d(air)af vanden ande(re)n vullinghe daer toe elc zeide/ en(de) p(rese)nteerde hem bereid te wesen So hebben de scepen(en) van loeven/ gewijst voer een vo(n)nisse dat de voirs(creven) p(ar)tien vanden gebreken die zij/ malcande(re)n eyschende zijn malcande(re)n voldoen selen met goed(en) vestichheid(en)/ also na rechte behoirt Cor(am) eisd(em)