It(em) de voirs(creven) meester philips heeft den voirs(creven) joese in meerd(er) vestich(eit)/ der voirs(creven) lijfrenten in handen gestelt en(de) gelevert met rechte voe(r) den/ vorste(r) en(de) poirt(er)s hier na genoemt de zilve(re)n juwelen hier na/ genoemt Ierst eenen zilve(re)n waterpot boven met eene(n) pijnappele/ gepuckelt en(de) den boirden v(er)guld en(de) zess zilve(re)n schalen van/ eenen fautchoene met v(er)guldenen boirden wegende all tsamen/ acht m(er)ck troysche min een once om den voirs(creven) joese oft trecht/ en(de) actie vander voirs(creven) lijftocht en(de) scepen(en) brieven namails hebbende/ de selve lijftocht en(de) dinhoudt vanden voirs(creven) scepen(en) brieven d(air)aen/ te moegen nemen en(de) verreycken zo wanneer he(m) gelieft en(de) zij/ d(air)af in gebreke zijn Ende voirs(creven) lijftocht verstorven v(er)pandt/ of afgequeten zijnde so salmen den voirs(creven) meester philipse de/ vors(creven) juwelen laten volghen zo verre die dair voer niet geexequeert/ en zijn Cor(am) jasp(are) claes for(estario) et dict(is) scabinis t(am)q(uam) scabinis (et)/ opidanis eod(em)