It(em) van dat henrick he(m)mericks geeyscht heeft dat hem henrick de paeu/ ts(in)tepet(er)sman van loeven afdede alsulcken zack rogs alse de heilighe gheest/ van lysele heeft op zeke(re) goede aldaer gelegen den voirs(creven) he(m)mericks/ toebehoiren(de) biedende te thoenen dat de paeu hem dat geloeft heeft/ en(de) bekind de pe(n)ninghe d(air) voe(r) van hem ontfangen te hebben D(air)op/ de paeu hielt dat hij de pe(n)ninghe niet vol gehaven en hadde hem/ des gedragende tot goede rekeninghen en(de) ter wairh(eit) So es/ overdraghen elcken certificacie te bringhen van des hem in desen/ mach dienen D(air)toe zij dach namen van morgen over xiiii nacht te/ mistide en(de) geloefden beide als dan te rechte alhier te comen en(de)/ rechts te plegen op de sake verloren Act(um) in (con)silio Cor(am) ambob(us)/ burg(imagistris) et aliis de (con)silio sdijsd(aeghs) julii xxi