It(em) jacob ve(r)noeden woenen(de) te wackersele soen wilen willems in/ p(rese)ncia (et)c(etera) heeft genomen en(de) bekendt genomen te hebben van/ janne ve(r)noeden zijnen brued(er) de goede h(ier) na bescr(even) de/ goede hier na bescr(even) Te weten drie dachmail beemds gehete(n)/ thofeyssen gelegen te rotselair neven de lynderbeemde bijde/ goede jans carbeel It(em) een half boend(er) beemds geheten/ tvorsbroeckeeussel gelegen tusschen de goede willems wile(n)/ huene en(de) arnds bastijns It(em) een dachmail en(de) xxx roede(n)/ eeussels of d(air) omtrint gelegen te rotselair aende cooldonckst(ra)te/ neven de goede arnds vanden cruce It(em) een stuck lands houden(de)/ tderdel van eene(n) halven boende(r) gelegen opt thienrot tuschen/ de goede meest(er) wout(er)s van nethenen geheten vanden royele en(de)/ jans carbeel It(em) iii(½) dach(mail) lands d(er) maten va(n) tieldonck gelege(n)/ te tieldonck opten putte neven de goede sheilichs gheests va(n)/ loeven It(em) een dach(mail) lands gelegen opt keyst(er)velt tuschen/ de goede jans de bossche(re) ende ghijsbrechts lobbe Te houde(n)/ te hebben en(de) [te] gebruycken van halfm(er)te lestleden eenen termijn/ van neghen jairen langh deen na dand(er) zond(er) middel volgen(de)/ elcx jairs dae(re)nbynnen voe(r) en(de) om drie mudden rogs/ goeds en(de) payabels d(er) maten va(n) lov(en) en(de) vier cronen te xxiiii/ stuv(er)s tstuck ts(in)t andriesmisse ap(oste)ls te betalen en(de) tvors(creven)/ coren te bynswijck ten huyse svors(creven) jans te leve(re)n den selve(n)/ janne alle jae(re) den vors(creven) t(er)mijn due(re)nde (et)c(etera) quo(li)[b(et)] ass(ecutu)[m]
//
It(em) met vorwerden dat de voirs(creven) jacob de vors(creven) goede wel en(de) loflic/ beheymen en(de) bevreden sal en(de) die tsijnen afscheiden bevreedt/ laten en(de) de vors(creven) lande ter lester braken wel en(de) loflic/ mesten en(de) tvors(creven) tstuck lands gelegen opt thienrot tsijne(n)/ afscheiden besaeyt laten op vier getidege voren met tarwen/ It(em) es voirt vorwerde wairt dat de vors(creven) ja(n) e(n)nige vande(n)/ voirs(creven) goeden vercochte [bynne(n) den vors(creven) t(er)mijne] dat dan de hueringe d(air)af ten naisten/ s(in)te m(er)tensmisse uutgaen sal behoudelic oft hij jan e(n)nige/ lande v(er)cochte dat dan de vors(creven) jacob na db[r]aken d(air)aff/ dbraken d(air)af twee vruchten hebben sal It(em) sal de vors(creven)/ jacob de wat(er)leyen jairlicx vaghen en(de) ruymen en(de) de straten/ maken zo dat dair bij den vors(creven) janne gheen schade en/ geschiede En(de) hij en sal ten lesten drien jae(re)n vanden/ vors(creven) t(er)mijne gheenrehande hout [noch haghe] opte vors(creven) goede staende/ moegen houwen cor(am) eisd(em)