It(em) also als zeker geschill opverstaen was tusschen wille(m)me syllen soen/ wilen stas syllen alse erfgename willems wilen cleynjans zijns oems/ die met scepen(en) brieven van loeven gepasseert ii daghe in merte/ int jair xiiii[c] xliiii gegoedt waerd in een dachmail beemds wilen/ toebehoiren(de) joffr(ouwen) lijsbetten sgreven weduwe jans wilen de grote/ gelegen te nederlynthe(r) neven den wuwerborne behoudelic der vors(creven)/ joffr(ouwen) lijsbetten heurer tocht in deen zijde en(de) wout(ere)n vanden broecke/ en(de) henricken van kerckem geheten p(er)soons ter ande(re) alse vanden voirs(creven)/ goeden dair toe elck meynde gericht te zijne te weten de voirs(creven) willem/ mids den voirs(creven) scepen(en) brieven en(de) de voirs(creven) wouter en(de) henrick alse erfge/ namen der voirs(creven) joff(rouwen) lijsbetten So zijn de selve p(ar)tien [comen] voe(r) scepen(en) van/ loeven openbairlic bekynnen(de) dat zij vanden voirs(creven) geschille bij middele/ van vrienden eens worden waren in deser vueghen Te weten dat de/ voirs(creven) goede den voirs(creven) wout(ere)n ende henricken erflic volgen en(de) toebehoe(re)n/ selen zonder den voirs(creven) wille(m)me syllen e(n)nich recht dair inne van des(en)/ daghe voirts te hebben of te behouden in e(n)nig(er) manie(re)n en(de) des selen de/ selve wouter ende henrick gehouden zijn en(de) hebben gelooft ongesundert/ den voirs(creven) wille(m)me te betalen tusschen dit en(de) ts(in)t jansmisse naistcomen(de)/ neghen gulden cronen nu gemeynlic cours hebbende alse v(er)volghde/ schout mids welken neghen cronen de voirs(creven) willem de voirs(creven) goede/ en(de) alle trecht dat hij daerinne hebben mochte tot behoef va(n) zijnre/ voirs(creven) wederp(ar)tien volcomelic quijtschoud Gelovende voer hem/ en(de) zijn nacomelinghe hen dairaf te geliken coste alt(oes) genoech te/ doen also dat hen en(de) heuren nacomelingen vast en(de) zeker sal/ moegen wesen Voirt es bevorw(er)t en(de) tusschen hen ondersproken/ dat zij de rinten uutstaende vanden voirs(creven) beemde gedragende also zij/ seyden ix licht gulden(en) te x stuv(er)s tstuck trecken selen half en(de)/ half en(de) dat den voirs(creven) scepen(en) brief vander guedinghen die lange/ tusschen hen in sequestre gestaen heeft en(de) meer goeds dan de/ goede voirscr(even) begrijpt den selven willem(me) volgen sal tot zinen/ behoef en(de) tot behoef vander weduwen svoirs(creven) wilen willems
//
cleynjans zijnre moeyen die dande(re) goede inden selven brieve begrepen/ houden(de) es Welke concordie de voirs(creven) p(ar)tien gelooft hebben tond(er)houden/ en(de) malcande(re)n d(air)af alt(oes) te voldoene alse vervolghde schout Cor(am)/ heyk(ens) caverson maii v