Item henrick van meldert briede(r) woenen(de) inde catte inde hoolstrate in/ p(rese)ncia (et)c(etera) heeft genomen en(de) bekendt genomen te hebben tegen gorijsen/ van dyeven eenen hoppecruythof metten meesten huyse daer aen liggen(de)/gelegen gelegen inde ravestrate geheten achter de ca(m)me gehete(n)/ den torff tusschen de goede jans nijs en(de) tcleynste huys des vors(creven)/ gorijs aen twee zijden Te houden te hebben en(de) te gebruycken va(n)/ bamisse lestleden eenen t(er)mijn van xii jairen langh deen na dand(er)/ zonder middel volgen(de) elcx jairs dae(re)nbynnen voe(r) en(de) om twee/ hollan(sche) gulden(en) te xvi stuv(er)s tstuck te bamisse te betalen den/ voirs(creven) gorisen alle jaire den voirs(creven) t(er)mijn due(re)nde (et)c(etera) q(uoli)[b(et)] ass(ecutu)[m]/ met vorwerden dat de voirs(creven) gorijs tvoirs(creven) groothuys houden sall/ op zinen cost van wande en(de) van dake Ende de voirs(creven) henrick sal/ tgestijpte om den voirs(creven) hof staende houden en(de) den vrede tusche(n)/ den vors(creven) janne nijs en(de) den hoff jairlicx maken op zinen cost/ It(em) sal de voirs(creven) henrick tsijnen afscheiden vanden voirs(creven) t(er)mijn/ inden voirs(creven) hof laten vijftich hopstaken gelijc die behoiren te/ zijne Es voirt vorwerde wairt dat de voirs(creven) gorijs ten yersten/ zess jairen vanden vors(creven) t(er)mijne scheiden woude dat hijt den/ voirs(creven) henricken een half jair te voe(re)n kundigen sal Ende de/ vors(creven) henrick en sal tvoirs(creven) huys gheenen leeghen oft lichten vrouwe(n)/ moegen verhueren Cor(am) roel(ants) borgh junii ix