It(em) mathijs van gheete woenen(de) te loeven heeft gelooft den pater sgoidsh(uyse) van s(in)te/ barbelen dale te thienen tot behoef desselfs goidsh(uys) zo verre jan de pont/ met rechte gewynnen can op e(n)nige vanden lande gedragende tsamen iii(½) boende(r)/ die willem van ro(m)male en(de) zijn wijf willem taillefer en(de) zijn wijf den/ voirs(creven) goidsh(uys) voer eyghen opten last van eenen mudde corens erflic gegoedt/ hebben e(n)nighen ande(re)n tsijs met dan voirscr(even) es dat de selve mathijs dat/ afstellen sal en(de) de selve goede d(air)af lossen en(de) dairaf inne staen En(de)/ voirt dat hij tusschen dit en(de) liechtmisse naistcomen(de) den selven goidsh(uys)/ richtinghe doen sal ende restitucie vanden pe(n)ninghen van eenen dach(mael)/ en(de) xvii cleyn roeden lands maten van ha(n)nut dat de voirs(creven) lande myn/ bevonden [zijn] gedragende dan iii(½) boende(r) na gelande vanden coope vanden/ geheelen goeden loepende ter so(m)men boven tvoirs(creven) mudde corens van/ lx rijnsch(en) gulden(en) Cor(am) borch heyk(ens) junii xi