Wij lyemi(n)gen blancart scepen(en) te loeven doen cond allen/ lieden dat op den dach van heden datu(m) va(n) desen voir ons/ come(n) zijn in p(ro)pren p(er)sone vrouwe ysabelle van herbaix/ wettige gesellinne jans van ranst in deen zijde henrick/ ende jan van kets gebruede(re)n hue(r) kijnde(re) die zij heeft va(n)/ henricke wilen van kets huere(n) voirman in dande(re) Ald(air)/ de voirs(creven) voirs(creven) vr(ouwe) ysabelle kijnde openbaerlijc den voirs(creven)/ gebruede(re)n huere(n) kijndere(n) ov(er)gegeve(n) te hebben alle alsulke(n)/ recht actie ende aensprake als zij hadde oft enichssins/ hebben mochte in xii m(ud)[d(en)] rocx en(de) iiii m(ud)[d(en)] even(en) erfspachts
//
op norderwijc na uutwisen eens testaments symoens/ wilen van kets wettichs brueders der voirs(creven) gebruede(re)n/ gemaect en(de) getekent bij hande(n) he(re)n jans casteels p(ri)est(er)s/ openbare(n) notar(is) vander date(n) xiiii[c] lxxiii opte(n) xxvii/ dach d(er) maent va(n) meye Bekennen(de) hue(r) dair inne/ noch in tvoirs(creven) testament also v(er)re alst desen aengaet/ dwelc zij den voirs(creven) gebruede(re)n overgaf niet meer/ rechts te behouden met sulker condicie(n) dat de voirs(creven)/ gebruede(re)n der selver huerre moeder tusscen dit en(de)/ van sint jansdach baptisten naistcomen(de) over twee jae(r)/ selen moeten uutreycken en(de) betalen ii[c] r(ijns)gulden(en)/te xx stuv(er)s tstuc elke(n) pe(n)ni(n)c d(air)af om dair mede/ afgequete(n) te werden die thien r(ijns)g(ulden) te xx stuv(er)s/ tstuc elke(n) pe(n)ni(n)g dair af met xviii gelike(n) pe(n)ni(n)ge(n)/ als opde(n) dach van hede(n) den groten heilige(n) gheest/ van loeven(e) op zeke(re) goede der voirs(creven) vr(ouwe) ysabele(n)/ tot v(er)trike en(de) tot gollaert voir scepen(en) va(n) loeven(e)/ bekint zijn vercocht te wesen Sceldende d(air)om de/ voirs(creven) vr(ouwe) ysabele volcomelijc quite des voirs(creven) wile(n)/ symoens goede en(de) alsulker duarie(n) als hue(r) bij der/ aflivicheyt des selfs symoens aengestorve(n) moge(n)/ zijn behoudelijc dat de voirs(creven) xii mudde(n) rocx en(de)/ iiii m(ud)[d(en)] even(en) erflijc mette(n) surplus vand(en) hoeven/ tot morchoven selen stille staen tot den toecomen(de)/ tijt van sint jansdach baptisten ov(er) ii jaer om d(air)/ mede betaelt te werde(n) de schult vande(n) voirscr(even)/ symoen en(de) d(aer)entynden mette(n) selve(n) surplus bove(n)/ de rep(ar)acie vand(en) hoeve(n) en(de) mette(n) xvi r(ijns)g(ulden) nu stille/ staende om jans smets rente(n) afgeleechtt te w(er)de(n)/ sele(n) stille staen sond(er) toesegge(n) va(n) m(ijn) vr(ouwe) voirs(creven)/ tot d(er)re tijt dat sesse guld(en) rijd(er)s lijfpe(n)sie(n) staen(de)/ opde voirs(creven) hoeve va(n) morchove(n) ten live wille(m)s/ inde catte en(de) zij(n)re maechelinge(n) afgequeten sele(n)/ wesen en(de) d(aer)entynde sele(n) de voirg(eruerde) xvi r(ijns)guld(en)/ alleene come(n) tot d(en) voirg(enoemde) vr(ouwe) ysabele(n) hueren/ leefdach lang het en ware dat e(n)nige vand(en) voirs(creven)/ gebrued(eren) storve sond(er) wettige geboirte acht(er) te late(n)
//
dat dan de helicht vande(n) surplus vand(en) hoeve(n)/ als voir sal weder come(n) metten voirs(creven) xvi r(ijns)gul(den)/ tot d(er) voirs(creven) vr(ouwe) ysabelen Ende oft geboirde dat/ de voirs(creven) henric en(de) jan de voirs(creven) ii[c] r(ijns)g(ulden) niet en/ betaelden ind(er) maniere(n) voirs(creven) dat alsdan de selve/ van hen die de pe(n)ninge alleene moeste betalen/ sal alleen hebben en(de) behoude(n) sond(er) wed(er)seggen/ des anders de voirg(eruerde) xii m(ud)[d(en)] rocx en(de) iiii m(ud)[d(en)] even(en)/ sonder die te moege(n) v(er)cope(n) v(er)andere(n) oft te v(er)tiere(n)/ het en ware bij wete(n) wille en(de) (con)sente des anders/ brueders Ende allet des voirscr(even) steet hebben ge/ looft de voirs(creven) vr(ouwe) ysabelle en(de) hue(r) kynde(re) renu(n)c(ierende)/ in dese(n) alle p(ri)vil(eg)ien soe v(er)re zij e(n)nige hebben/ en(de) elc van hen bezund(er) malcande(re)n vast en(de) ge/ stentich te houde(n) en(de) te voldoene talle(n) tijde(n) en(de)/ t(er)mijne(n) als die valle(n) en(de) v(er)schijne(n) selen q(uo)l(ibet) ass(ecutum) aug(usti)/ quarta