SAL7761, Akte: V°29.4-R°30.1 (84 van 650)
Akte V°29.4-R°30.1
Act
Datum: 1472-08-31
Transcriptie
2020-03-27 door Walter De SmetIt(em) baudewijn natuerlic soen jonck(er) baudewijns wilen van glymez in teg(enwoirdicheit) (et)c(etera)/
heeft genomen en(de) bekendt dat hij genomen heeft van meester willem(me)/
stradio alse p(ro)cur(eur) m(ijns) he(re)n des abds van gemblours inden name/
en(de) van weghen desselfs goidshuys de groote en(de) cleyne thienden/
desselfs goidshuys tot bevekem gelegen metten tsijnse en(de) goeden/
d(air) toe behoiren(de) gelijck(er)wijs de voirs(creven) baudewijn die ald(air) gehoude(n)/
heeft Te houden te hebben en(de) te gebruycken van s(in)t jansmisse/
lestleden eenen t(er)mijn van zess jairen langh deen na dand(er) zond(er)/
middel volgen(de) elcx jairs dae(re)nbynnen voe(r) en(de) om twee hondert/
clinckairts te veerthien stuv(er)s tstuck en(de) eenen nobel van vijftich/
stuv(er)s Te weten tderdedeel d(air)af te kersmisse tderdel te paeschen en(de)/
en(de) tderdel ts(in)t jansmisse te betalen en(de) te gemblours los en(de) vry op/
zorghe cost en(de) last svoirs(creven) baudewijns te leve(re)n alle jaire den/
voirs(creven) t(er)mijn due(re)nde (et) quo(li)[b(et)] ass(ecutu)[m] Met vorwerden dat de selve/
baudewijn jairlicx dae(re)nbynnen oic gelden en(de) betalen sal zonder afslach/
van des voirs(creven) es ierst alle tghene dat tvoirs(creven) goidshuys uut saken
//
vander voirs(creven) thienden van tsijze oft rinten sculdich es mijnen he(re) va(n)/ ludick It(em) twee hollan(sche) gulden(en) der kercken van bevekem voe(r) broot/ wijn en(de) wessen liecht en(de) den prochiaen en(de) custe(r) der selver kercken/ alle tghene dat tselve goidshuys hen d(air)af oic sculdich mach wesen/ Ende hieraf sal de voirs(creven) baudewijn gehouden zijn jairlicx op zine(n)/ cost den voirs(creven) goidshuyse quitancie te leve(re)n vanden prochiaenen/ custe(r) en(de) momboirs der voirs(creven) kercken van bevekem mair tselve/ goidshuys sal d(air)af betalen mijnen he(re) van ludick trecht geheten/ obsone en(de) bissext zo dicke dat valt te betalen Voerts es (con)dicie/ dat de voirs(creven) baudewijn de voirs(creven) thienden uut zijnen handen/ niet en sal moegen laten gaen noch voirts verhue(re)n It(em) sal / de voirs(creven) baudewijn noch betalen zonder afslach vander voirs(creven)/ so(m)men van s(in)t jansmisse naistcomen(de) over twee jair twee nobele(n)/ te vijftich stuv(er)s tstuck den eenen m(ijn) he(re) den abdt voirs(creven) en(de) den/ ande(re)n zijnen co(n)vente Oic es hier inne bevorw(er)t wairt dat de/ voirs(creven) baudewijn den voirs(creven) goidshuyse niet jairlicx va(n) t(er)mijne/ te termijne en betaelde en(de) tselve goidshuys d(air)om e(n)nich v(er)volgh/ doen moeste dat dan de voirs(creven) baudewin gheven sal den ghenen/ die van sgoidhuys wegen tvervolgh alsoe doet elcx daighs/ voer hem ende zijn p(ar)t viii stuv(er)s en(de) ofter twee p(er)sone o(m)me/ uutgesonden worden zo soude hij hen gheven elcx daighs voe(r)/ hen en(de) heure p(er)de xvi stuv(er)s zo langhe zij d(air)om also uutwae(re)n/ en(de) die daghe selen zij moegen cle(re)n met heuren sympelen woirden/ Voirt es hier inne bevorw(er)t dat tvoirs(creven) goidshuys niet gehouden/ en sal wesen den voirs(creven) baudewijne e(n)nich verguetsen of rastoir/ te doen uut saken van oirloghe tempeeste oft volke va(n) wapenen/ anders dan dat dien vanden goidshuyse van (con)sciencien of redelich(eit)/ weghen sal moegen gelieven Ende oic en sal de selve baudewijn/ de vruchten en(de) goede vander thienden comen(de) niet moegen verthieren/ oft te zijns selfs eygen p(ro)fijte beke(re)n hij en hebbe alleer d(air)af den/ voirs(creven) goidshuyse genoech gedaen en(de) gecontenteert Ende hier voe(r)/ zijn borghen svoirs(creven) baudewijns alse principael sculd(er)s ongesund(er)t/ en(de) elc voir all willem van bierbeke geheten van wylre woenen(de) te/ mille pirard de heymo(n)niez jan ingelbairt en(de) willem va(n) berchemont/ alle drie woenen(de) te bevekem Et p(ri)mus Cor(am) opp(endorp) heyk(ens) aug(usti) ulti(m)a
//
vander voirs(creven) thienden van tsijze oft rinten sculdich es mijnen he(re) va(n)/ ludick It(em) twee hollan(sche) gulden(en) der kercken van bevekem voe(r) broot/ wijn en(de) wessen liecht en(de) den prochiaen en(de) custe(r) der selver kercken/ alle tghene dat tselve goidshuys hen d(air)af oic sculdich mach wesen/ Ende hieraf sal de voirs(creven) baudewijn gehouden zijn jairlicx op zine(n)/ cost den voirs(creven) goidshuyse quitancie te leve(re)n vanden prochiaenen/ custe(r) en(de) momboirs der voirs(creven) kercken van bevekem mair tselve/ goidshuys sal d(air)af betalen mijnen he(re) van ludick trecht geheten/ obsone en(de) bissext zo dicke dat valt te betalen Voerts es (con)dicie/ dat de voirs(creven) baudewijn de voirs(creven) thienden uut zijnen handen/ niet en sal moegen laten gaen noch voirts verhue(re)n It(em) sal / de voirs(creven) baudewijn noch betalen zonder afslach vander voirs(creven)/ so(m)men van s(in)t jansmisse naistcomen(de) over twee jair twee nobele(n)/ te vijftich stuv(er)s tstuck den eenen m(ijn) he(re) den abdt voirs(creven) en(de) den/ ande(re)n zijnen co(n)vente Oic es hier inne bevorw(er)t wairt dat de/ voirs(creven) baudewijn den voirs(creven) goidshuyse niet jairlicx va(n) t(er)mijne/ te termijne en betaelde en(de) tselve goidshuys d(air)om e(n)nich v(er)volgh/ doen moeste dat dan de voirs(creven) baudewin gheven sal den ghenen/ die van sgoidhuys wegen tvervolgh alsoe doet elcx daighs/ voer hem ende zijn p(ar)t viii stuv(er)s en(de) ofter twee p(er)sone o(m)me/ uutgesonden worden zo soude hij hen gheven elcx daighs voe(r)/ hen en(de) heure p(er)de xvi stuv(er)s zo langhe zij d(air)om also uutwae(re)n/ en(de) die daghe selen zij moegen cle(re)n met heuren sympelen woirden/ Voirt es hier inne bevorw(er)t dat tvoirs(creven) goidshuys niet gehouden/ en sal wesen den voirs(creven) baudewijne e(n)nich verguetsen of rastoir/ te doen uut saken van oirloghe tempeeste oft volke va(n) wapenen/ anders dan dat dien vanden goidshuyse van (con)sciencien of redelich(eit)/ weghen sal moegen gelieven Ende oic en sal de selve baudewijn/ de vruchten en(de) goede vander thienden comen(de) niet moegen verthieren/ oft te zijns selfs eygen p(ro)fijte beke(re)n hij en hebbe alleer d(air)af den/ voirs(creven) goidshuyse genoech gedaen en(de) gecontenteert Ende hier voe(r)/ zijn borghen svoirs(creven) baudewijns alse principael sculd(er)s ongesund(er)t/ en(de) elc voir all willem van bierbeke geheten van wylre woenen(de) te/ mille pirard de heymo(n)niez jan ingelbairt en(de) willem va(n) berchemont/ alle drie woenen(de) te bevekem Et p(ri)mus Cor(am) opp(endorp) heyk(ens) aug(usti) ulti(m)a
Nagekeken door: Jan Boncquet
Moderator: Jan Boncquet
Laatste update:: 2016-04-26 door Xavier Delacourt