It(em) de voirs(creven) meester jacob de p(ro)cureur in deen zijde en(de) goird crabbe ende jan/ mylet die met loenisen van bierbeke anderwile verpacht en(de) genomen hebben/ tegen den voirs(creven) p(ro)cureur de grote thiende van bierbeke die te hebben va(n)/ s(in)t jansmisse lestleden een jair langh gelijc zeke(re) scepen(en) brieve van loeven/ gemaict julii iii lestleden dat uutwisen ter ande(r) zijden sijn comen/ voe(r) scepen(en) van loeven Sceldende malcande(re)n quijte vander vors(creven) pechtingen/ behoudelic dat den voirs(creven) thiendene(re)n volgen sal alle tstroe vanden vruchte(n)/ nu vander voirs(creven) thienden gecomen en(de) inde thiende schue(re) liggen(de) welck/ stroe de voirs(creven) p(ro)cureur heeft gelooft hen te doen ende te laten volghen/ Geloven(de) voirts te betalen de huere vander vors(creven) thiendschue(re)n en(de)/ den injaghers vander thienden en(de) die die ingevuerd hebben van heuren/ loene en(de) arbeide te vernuegen zonder der voirs(creven) thiendene(re)n last Cor(am)/ borgh vynck oct(obris) xxvi