It(em) bertelmeeus de cuype(re) vander nuwercapellen in tegewoirdich(eit) vanden/ burg(er)meest(er) hier na genoemt gestaen heeft gekend en(de) verleden dat/ hij van wille(m)me van thienen en(de) mathijse tijcke inden name vanden/ dorpe van kersbeke aengenomen heeft nu te trecken met den pijckene(re)n/ die nu onsen gened(ichs) he(re) gesonden worden voe(r) en(de) inde stad vanden/ eenen pijckene(r) die tvoirs(creven) dorp tot heuren laste nu uutdoen en(de)/ seynden moet Ende heeft de voirs(creven) bertelmeeus gelooft toegeseeght/ en(de) gesekert en(de) oic openbairlic in handen in eenen van onss gened(ich)/ h(ere)n diene(re)n ten heylighen gesworen dat hij van wegen der voirs(creven)/ van kersbeke en(de) als heure pijckene(r) in des(en) reysen trecken sal en(de)/ doen all tghene dat daer toe behoirt en(de) hem d(air)inne also quiten/ en(de) den dienst van heuren wegen verwaren alse dat de voirs(creven) va(n)/ kersbeke d(air)mede besorght en(de) ongelast bliven selen Geloven(de) voirts/ alle de selve wapene die zij hem nu doen selen weder te leve(re)n bi(n)nen/ drie dagen na zijnre wedercompst zonder argelist Cor(am) ouder(ogghe)/ burg(imagistro) no(vembris) v