It(em) nae dien dat henrick van daelhem gheheeten smeyers tande(re)n tijden/ aen janne vanden bossche van vertrijke zone henricx vanden bossche ende/ henneken vanden bossche den jonghen sijne(n) zone een zoene ghedaen/ heeft vander doot gheertruyden wijlen van daelhem huysvrouwe/ als sij leefde des voirs(creven) jans vanden bossche ende sust(er) svoirs(creven) henricx/ bijden selven henricke van live t(er) doot ghebracht ende in dier soeni(n)ghe(n)/ den voirs(creven) henricke vanden bossche den jongen die alsdoen ombejaert was/ gheres(tit)ueert wordt soe wanneer hij tot sijne(n) mondighen jaire(n) comen sijn/ soude sijne(n) coese te hebben o(m)me aen te nemen(e) de(n) beede dair af te houden/ oft de zoene taenverden dwelck den selven henneken den zone van beyts/ best ghelieve(n) soude Soe eest dat acht(er)volghende dien de voirs(creven) henneken/ de zone p(ost)q(uam) a pane p(re)d(i)c(t)i sui p(at)ris mo(do) de(bi)[to] emanc(ipatus) nu tot sijne(n) mu(n)dighen/ daghen come(n) sijnde alsoe sijn vader ende hij selve bij hue(re)n eede v(er)ificeerden/ in p(rese)nc(ie) der scepen(en) van loven(en) ghestaen heeft bij bijwesen(en) ende consente des/ voirs(creven) sijns vaders opden dach van heden hem afghedraghen de beede voirsc(creven)/ vander doot sijnre moeder ende ainghenome(n) gheapprobeert gelaudeert/ en(de) gheratificeert de voirs(creven) soeni(n)ghe in alle alsulker mate(n) vueghen ende/ manie(re)n als die bijden voirs(creven) henricke van daelhem aen hem ende aenden voirs(creven)/ janne vanden bossche sijne(n) vader ghedaen ende geschiet es Ende den voirs(creven)/ henricke vergheven der doot der voirs(creven) wijlen g(er)truyden sijnre moeder gheloven(de)/ de voirs(creven) henneken vanden bossche de jonghe voir hem ende sijne(n) erfghename(n)/ ende naecomelinghe(n) op lantzoene de voirs(creven) soeni(n)ghe tot ewighe(n) daghen/ goet vast ghestentich en(de) onv(er)brekelick te houden zonder dair teghen te/ doene oft te doen doene te radene oft e(n)nighen wille oft consente in/ contrarie(n) der selve(n) te gheve(n) in e(n)nig(er) manie(re)n vueghen den selven/ henneken dair af ni(m)mermeer aen te spreken(e) in e(n)nighe(n) rechte
//
gheestelick of weerlick bij hemselven oft yeman(den) and(er)s van sijne(n)/ weghen in e(n)nig(er) manie(re)n accepteren(de) ende aennemende alsulken/ lxx peet(er)s mette(n) profijte(n) van dien die voir die voirs(creven) zoene ghelooft/ sijn ende opde betalinghe vanden selve(n) nae inhoude(n) vanden brieve(n)/ en(de) condicie(n) d(air) aen cleven(de) bij arnde van daelhem henricke zanne(n)/ ende janne braeckma(n) voir scepen(en) van loven(en) opden vii[te(n)] dach van/ decembri a(n)no lxxii ghedaen ende ghelooft ende voortmeer op/ tvoldoen van ande(re)n vurw(er)den ende condicie(n) ghelijck die inder selv(er)/ zoene(n) voir de wet van de wet van vertrijke ghesloten wae(re)n cor(am)/ roelants langrode novemb(ris) xxiiii