It(em) de voirs(creven) peter van steyne(n)moelen en(de) joff(rouwe) anne van wynghe zijn/ huysvrouwe dochter everarts wilen van wynghe voir hen selven/ en(de) wouter vynck alse momboer en(de) van weghen jans everarts/ adaems lijsbetten margrieten en(de) kerstinen kynde(re)n des vors(creven)/ wilen everarts die achter hem gebleven zijn en(de) geboren van/ joff(rouwen) annen rogs zijnre huysvrouwen nu wettige husvrouwe
//
meester jans vanden walle welke kynde(re) de voirs(creven) wouter in desen op/ hem genomen heeft en(de) gelooft te vervaene in deen zijde en(de) de/ voirs(creven) meester jan en(de) joff(rouwe) anne rogs zijn huysvrouwe in dande(r)/ zijde in p(rese)ncia (et)c(etera) sijn met malcande(re)n ov(er)comen eensworden en(de)/ gesloten ten bijwesene raide en(de) consente lodewijcks roelants/ lod(ewijcks) roelofs meester anthoenijs vync jans vync zijns brued(er)s/ en(de) goirde rethemans als maghe en(de) vriende der voirs(creven) kynde(re)n [van allen den vliegen(de) erve gebleven na de doot des vors(creven) wilen everarts]/ als dat deen derdendeel dairaf den voirs(creven) meester janne en(de)/ zijnre huysvrouwen voer hen heuren erven en(de) nacomelingen tot/ eeuwighen daghen tot heuren vryen eygenen wille volgen en(de)/ toebehoiren sal en(de) dande(r) tweedele den voirg(enoemde) kynde(re)n desselfs/ wilen everarts en(de) heuren erfgenamen dair mede dat de vors(creven)/ p(ar)tien bij raide van heuren vrienden in beiden zijden te vreden/ en(de) content zijn geweest en(de) zijn Cor(am) eisd(em)