Item na dien dat janne van ost alse p(ro)cureur der erfgenamen gielijs/ wilen hanckairt welck wilen gielijs tselven rechte overhadde van/ janne van velpe goudsmet eenen scepen(en) brief van loeven spreken(de)/ van ii ryders lijftochten tegen arnde moens als man en(de) momboir/ machtelden van heusden zijns wijfs onder den ande(re)n aengewesen/ zijn te volghen voe(r) de deughdelike gebreke der voirs(creven) lijftochten/ veerthien mudden corens vii hollan(sche) gulden(en) en(de) vii[c] mutsairts/ lijftochten ten live des voirs(creven) arnds moens Ende peter en(de) willem/ moens gebruede(re)n sone des voirs(creven) arnds hen p(ar)tie gemaict hebben/ tegen matheeuse colcx tot wiens p(ro)fijte de voirs(creven) brieve van ii/ ryders overgegeven waren meynen(de) dat den selven matheeuse de/ voirs(creven) lijftocht van xiiii mudden corens vii hollan(sche) gulden(en) en(de)/ vii[c] mutsairts niet volghen en soude het en wae(re) dat de vors(creven)/ matheeus gethoenen conste dat de voirs(creven) arnd moens noch leven(de)/ wae(r) oft ten minsten levende was ts(in)t andriesmisse lestleden als/ die lijftocht verschenen soude zijn geweest ende matheeus d(air)af/ aengenomen heeft zeke(r) thoenisse te doene p(rese)nte(re)nde nochtan caucie/ te stellen in gevalle oft de vors(creven) gebruede(re)n gethoenen consten/ dat de vors(creven) arnd moens heur vader voer s(in)t andriesmisse lestled(en)/ aflivich wae(re) worden restitucie te doen van tghene des hij vand(er)/ voirs(creven) lijftocht heffen soude So es ierst thoenisse vanden vors(creven)/ matheeuse aengehoirt zijnde getermineert inden vollen raide/ vander stad dat de voirs(creven) matheeus hem met den voirs(creven) brieve en(de)/ vo(n)niss(en) aen de voirs(creven) lijftocht tot behoef vanden deughdeliken gebreke(n)/ sal moegen behulpen opte p(rese)ntacie van caucie te stellen als hij/ gep(rese)nteert heeft Act(um) in pleno consilio febr(uarii) iii