SAL7762, Act: R°198.2 (361 of 660)
Search Act
previous | next
Act R°198.2  
Act
Date: 1475-02-11

Transcription

2019-08-10 by Walter De Smet
It(em) sust(er) katline elyaes mater en(de) tcovent vand(en) v(er)gaderi(n)ge(n) vande(n)/
gemeyne(n) grauwe(n) zuste(re)n des huys d(er) selv(er) zuste(re)n gelege(n) inde(n) ham der/
ordene(n) van s(in)[te] franciscus van wege(n) desselfs huys brued(er) jacop p(ate)r/
vanden cellebrued(er)s en(de) brued(er) jan van mechelen sijn medegeselle/
van weghe(n) des huys vande(n) ghemeyne(n) cellebruede(re)n gelege(n) te loven(en)/
inde wijng(ar)tstrate in p(rese)nc(ia) hebben gekint en(de) gelijt mits den ov(er)geve(n)/
van eene(n) scepen(en) brieve van loven(en) van twee rijd(er)s erfelic te xxvi/
stuv(er)s tstuc die hen bijden voirs(creven) he(re)n pete(re)n meest(er) ja(n)ne ende/
jacoppe als executeurs vande(n) testame(n)te h(ere)n willems voirs(creven) voer/
scepen(en) van loven(en) op hede(n) ten selve(n) rechte ov(er)gegeve(n) es die jan/
van like(n) lik lille meest(er) vranc van dyeve(n) en(de) willem pierarts/
den voirs(creven) wijlen h(ere)n willem(me) sculd(ich) wae(re)n en(de) noch sijn o(m)me bijde(n)/
voirs(creven) grauwe zuste(re)n den eene(n) rijd(er) erf(elic) d(air) af en(de) bijde(n) voirs(creven) cellebruede(re)n/
den ande(re)n rijd(er) erf(elic) d(air) af gehave(n) en(de) gebuert te wordden(e) dat elke(n)/
van hen d(air) mede voldaen es en(de) genoech gesciet van alsulke(r) eene(n) rijd(er)/
erf(elic) als hen bijde(n) voirs(creven) h(er) willem(me) met testame(n)te gemaect en(de) gelate(n)/
werdt Schilden(de) d(air) o(m)me te weten(e) elc van hen als van sijne(n) legate/
voirs(creven) alle de goede des voirs(creven) wijle(n) h(er) willems den voirs(creven) executeurs/
en(de) eene(n)iegelijke(n) and(er)s d(air) af quitan(cie) behoeven(de) volcomelijke(n) quijte/
P(ro)mitten(tes) null(a)t(enu)s alloqui cor(am) roelants vos febr(uari) xi
ContributorsJan Boncquet
Moderated byJan Boncquet
Last update: 2016-06-07 by Jos Jonckheer