It(em) h(er) wouter sweers (con)fessor scloest(er)s vand(en) xi[m] meeghde(n) te loven(en) opde/ halfstrate en(de) als p(ro)cur(eur) desselfs cloest(er)s inden namen vande(n) zuste(re)n/ ald(air) besund(er)t tot des(en) zaken ghe(com)mitteert en(de) h(er) anthonijs van e(m)michove(n)/ prior en(de) tcovent des cloest(er)s van s(in)te m(er)tensdale inde grijmstrate/ te lov(en) inde(n) name vande(n) (con)vente desselfs cloest(er)s in p(rese)n(ia) hebbe(n) gekint/ en(de) ghelijt mits den ov(er)gheven(en) van eene(n) scep(enen) brieve van lov(en) spreken(de)/ van vier saluyte(n) erf(elic) te xxv stuv(er)s tstuc die hen bijden voirs(creven) execut(eurs)/ voer scep(enen) van lov(en) op hede(n) ov(er)ghegeve(n) es die goessen jans jan/ de zeelmake(re) arnt vande(n) houte goert couwens en(de) henrick jans den/ voirs(creven) wijlen h(er) willem(me) sculd(ich) wae(re)n en(de) noch sijn o(m)me bijden voirg(enoemde)/ zuste(re)n vand(en) halfstrate(n) de twee saluyte(n) erf(elic) d(air)af en(de) bijden voirg(eruerde)(con)vent van s(in)te m(er)tens dand(er) twee saluyte(n) erf(elic) d(air) af gheboirt/ te wordden(e) Dat hen d(air) mede voldaen es en(de) genoech/ ghesciet van alsulken legate van twee rijd(er)s erfelic elke(n)/ rijd(er) te xxv st(uvers) gherekent als elken van hen de voirs(creven)/ wijlen h(er) willem bij testamente ghemaect en(de) ghelaten/ hadde den voirs(creven) executeurs en(de) de goede des voirs(creven)/ wijlen h(er) willems en(de) eene(n)ieghelijken anders daer/ af quitan(cie) behoeven(de) volcomelijken quijt schelden(de) P(ro)mitten(tes)/ null(a)t(enu)s alloqui cor(am) roelants roelofs febr(uarii) xv