It(em) es vurw(er)de niet wederstaen(de) der guedinghen voirs(creven) dat de voirs(creven)/ coene tvoirs(creven) erve sal moghe(n) quijten bynne(n) vi jaire(n) naestc(omende) met xxiiii/ rinssche gul(den) te xx st(uvers) tstuck en(de) elke(n) stuv(er) te iii pl(a)c(ken) die de voirs(creven) joes nu/ den voirs(creven) coenen soe in ghereeden ghelde soe aen ghevallen(en) chijse betaelt/ en(de) verleeght heeft Bij alsoe [nochtan] die quijtinghe ghedaen sijnde dat de voirs(creven)/ joes tselve erve sal blive(n) houden(de) in hueringhen vi jair langk nae dat(um)/ van desen guedinghen ende niet langhe(r) betalende bynne(n) den selve(n) middele(n)/ tijde den chijs uuten selve(n) goeden gaende alsoe in tijts dat de voirs(creven)/ coene d(air) bij egheene schade en lijde ende dat de selve joes tselve huys/ oick dae(re)n bynne(n) houde(n) sal van behoirlijker reparacie(n) cor(am) eisd(em) sonder and(er)s/ oft meer d(air) voir te gheven in welcker hueringen de vors(creven) coene/ den vors(creven) joese geloft heeft te houden cor(am) eisd(em)