Allen den ghenen (et)c(etera) dat jan weyns van libbeke soen wilen reyners/ heeft geconstitueert gestelt ende geordineert ende met des(en) l(ette)ren/ constitueert stelt ende ordineert zijne p(ro)cur(eur)s ende voergang(er)s/ arnde wigg(er)s hoedemake(r) andriese van ermbeghem geheten/ de munte(re) en(de) arnde de smet woenen(de) te lovenjoul in allen/ zijnen saken geschillen ende bederven die hij nu uutstaende/ heeft oft namails hebben sal in aenlegg(er)s oft verweerd(er)s stad/ hoedanich die zijn Gevende en(de) verleenen(de) de vors(creven) (con)stitueerd(er)/ den voirs(creven) zijnen p(ro)cur(eur)s en(de) elken bizund(er) thoenre des(er) volcome(n)/ macht auctoriteit en(de) zunderlinghe beveel alle de selve saken/ met rechte te verwae(re)n te beschudden te vervolgen en(de) te bedinghen/ tallen plaetsen en(de) gerichten en(de) tegen eene(n)yegeliken dair dat/ behoeven sal moegen Ende desgelijcx om alle des voirs(creven)/ constitueerd(er)s tsijze rinten pachten ende ande(r) sculden diemen/ hem nu sculdich es of namails wesen sal Te manen teyschen/ op te boe(re)n en(de) tontfanghen den sculde(re)n van heuren ontfange/ quijt te schelden en(de) quitan(cie) te gheven daghe en(de) respijt/ te verlenen vanden ande(re)n D(air) voe(r) te panden te daghen ende/ rastamente te doen leggen composicie en(de) mynlike yffeninghe/ dairaf te maken scepen(en) brieve te vo(n)niss(en) en(de) de selve vo(n)niss(en)/ texeque(re)n De selve tsijze rinten pachten en(de) sculden met/ rechte teyschen ende te vervolgen die te wynnen en(de) te verliesen/ voer alle gerichten dair dat behoeven en(de) te doen sal wesen/ getuygen ofts behoeft te leiden der wed(er)p(ar)tien getuygen te zien/ zwee(re)n die te batte(re)n te replice(re)n te duplice(re)n also wail int p(ri)ncipael/ als int accessoir also dicwile en(de) menichwerven als des te doen/ zijn sal en(de) alle poenten en(de) articulen van rechte d(air) toe te vord(ere)n/ die na recht of costume vand(en) plaetsen dair dat geboert/ behoiren moegen en(de) den voirs(creven) p(ro)cur(eur)s orb(er)lic duncken selen/ Ende voerts alle tghene (et)c(etera) Geloven(de) vast cu(m) comput(atione)/ et revoc(atione) Cor(am) ouder(ogghe) burg(imagistro) roelants roelofs scabinis/ nove(m)br(is) vii