Allen den ghenen (et)c(etera) met ky(n)niss(en) der wairh(eit) doen te weten dat/ op heden voir ons comen es katline ts(er)boudens weduwe henr(ix)/ wilen vanden venne en(de) heeft geconstitueert gesett ende/ geordineert en(de) met des(en) l(ette)ren constitueert stelt en(de) ordineert/ heure p(ro)cur(eur)s en(de) voergang(er)s meester janne trabukier h(ere)n diericke(n)/ viersoons priest(er) capellaen inder kercken van lyere ende/ janne van ost in allen heuren saken geschillen en(de) bederven/ die hij nu uutstaende heeft oft namails hebben sal in aenlegg(er)s/ oft verweerders stad hoedanich die zijn Geven(de) en(de) v(er)leenen(de)/ de voirs(creven) weduwe den vors(creven) heuren p(ro)cur(eur)s ende elken bizund(er)/ thoenre des(er) volcomen macht auctoriteit en(de) zunderlinge beveel/ alle de selve saken met rechte te verwaren te beschudden/ te vervolgen en(de) te bedinghen tallen plaetsen en(de) gerichten/ en(de) tegen eene(n)yegeliken dair dat behoeven sal moegen En(de)/ desgelijcx om allen der voirs(creven) weduwen tsijze rinten pachten en(de)/ ande(r) schulden diemen heure nu sculdich es of namails wesen sal/ te manen teyschen op te boe(re)n ende tontfanghen Den schuld(ere)n va(n)/ heuren ontfanghe quijt te schelden ende quitancie te gheven/ daghe en(de) respijt te verleenen vanden ande(re)n d(air) voe(r) te/ panden te daghen en(de) rastamente te doen leggen co(m)posicie/ en(de) mynlike yffeninghe dairaf te maken scepen(en) brieve te/ vo(n)niss(en) en(de) die te exeque(re)n De selve tsijze rinten pachten
//
ende schulden met rechte teysschen ende te vervolgen die te wynnen/ en(de) te verliesen vver voer alle gerichten dair dat behoeven en(de)/ te doen sal wesen getuygen ofts behoeft te leyden der wed(er)p(ar)tie(n)/ getuygen te zien sweren die te batte(re)n te replice(re)n te duplice(re)n/ also wail int principael als int accessoir also dicwile ende/ menichwerven als des te doen zijn sal en(de) alle poenten ende/ articulen van rechte dair toe te vorde(re)n die na recht oft costume/ vand(en) plaetsen dair dat geboert behoiren moegen en(de) den/ vors(creven) p(ro)cur(eur)s orb(er)lic duncken selen Ende voirts alle tghene (et)c(etera)/ Geloven(de) vast (et)c(etera) Cu(m) comput(atione) (et) revoc(atione) Cor(am) meldert/ burg(imagistro) roelants heykens scabinis novembr(is) xix